Nakoaia Ibonga 19:17 - Te B'aib'ara

¹⁷ Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

Nakoaia Ibonga 19:17 ပူးပေါင်းရင်းမြစ်များ

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

Neemia 13:17

E rangi ni maraki nanou ao I taku nakoia taani kairiiri i Iuta, “Bon te m'akuri ae moan te kam'araaea te Taabatite b'ai ae kam a tia ni karaoia!”

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Taeka n Rabakau 9:8

Ane a na un iroumi taani kamoamoa ni kabane akana kam kaetiia. Ma ngkana kam kaeta temanna ae iai ana iango ao kam na taatangiraki.

Ruka 17:3

Kam na kawakiningkami: “Ngkana e bure tarim nako im, ao ko na takuia, ao ngkana e kab'ara ana bure, ao kab'ara ana bure;

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

1.I-Korinto 5:2

Ao kam kainikatonga! Tiaki b'a kam bon riai n nanokawaki? Ao te aomata are karaoa te aro aei e bon riai ni kam'awaki mai buakomi.

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

1.Timoteo 5:20

Ko na boaiia akana bure i mataia aomata ni kabaneia, b'a a aonga ni maaku naba raoia.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 1:13

E koaua te taeka aei. Ma ngaia ae ko na boaiia n te aro ae matoatoa, b'a a aonga n onimaki ni koaua,

Tito 2:15

Ko na taekini baikai, ao ko na kaungaia ma ni boaiia am aomata ni m'aakan nakoam. E na tai kakeaa bongam temanna.

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.

1.Ioane 2:9

Ane taku b'a e mena n te oota, ma e ribaa tarina, ao e mena n te roo ni karokoa ngkai.