Nakoaia Ibonga 19:15 - Te B'aib'ara

¹⁵ Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Nakoaia Ibonga 19:15 ပူးပေါင်းရင်းမြစ်များ

Iobi 13:8

Ngkami ngkai ae kam na tei i bukin te Atua? Ngkami aika kam na kauntaeka i bukina n te kabowi?

Iobi 32:21

Akea ae N na tei i bukina n te kauntaeka aei; akea ae N na aki anaa nanon temanna n te kauntaeka aio.

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Taian Areru 82:2

Kam riai n toki man aromi ni motikitaeka ae aki eti; Kam riai n aki manga nanoniia akana buakaka ngkana kam motikitaeka.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Taeka n Rabakau 18:5

Bon te kaairua ngkana kam nanona te tia bure ao n totokoa te motikitaeka ae e eti nakon te aomata ae akea ana bure.

Taeka n Rabakau 24:23

Aikai riki tabeua taian taeka n rabakau aika a kawanawanaa te aba: Ko na karaoa ae e riai ngkana ko motikitaeka.

Taeka n Rabakau 31:9

Karaoa ae riai ao n anga te babaaire ae e raoiroi nakoia aika a maiu ni kainano ao aika akea mwengaia.

Nakoaia Ibonga 19:35

B'aina raoi te eti, ao tai iraa ngkana ko katinea te b'ai teuana, ke tao ngkana ko baaea te b'ai teuana.

Ioane 7:24

Kam na aki kairaki n ami motiki-taeka n taraan te b'ai, ma kam na kairaki n ami motiki-taeka n te eti.”

M'akuri 23:3

Ao e taku ngkanne B'auro nakoina, “E nang oroiko te Atua, ngkoe ae te o te bono ae kamainainaki! b'a ko tekateka ni motika taekau ni kaeti ma taekan te Tua, ao ko ri aon te Tua ngkai ko tua b'a N na oreaki!”

Te Tua-Kaua 1:17

Kam na katitebooi naba ami babaaire nakoia aomata aika mangori ma aika korakora. Kam na aki maaka te aomata temanna. E aoria ngkana iai ae kakannato ae e kaoti n te bowi. E na buokingkami n anganingkami mooti aika raoiroi te Atua. Ngkana e rangi ni matoatoa te tangitang nakoimi, ao kam na uotia nako iu b'a N na baaireia.”

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.