Nakoaia Ibonga 19:14 - Te B'aib'ara

¹⁴ Bon te UEA Ngai ae Atuami, ao I tuangngkami b'a kam na tai b'ainigareiia akana a bonotaninga, ke tao ni kab'aka te matakii.

Nakoaia Ibonga 19:14 ပူးပေါင်းရင်းမြစ်များ

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Nakoaia Ibonga 19:32

I tuangngkami b'a kam na kaota karineakiia aomata aika a kara, ao ongotaeka nako Iu n te maaku ma te rurubenebene.

Nakoaia Ibonga 25:17

Boni Ngai te UEA ae Atuami, ongotaeka i Rou ao tai kataia ni baabakanikawaiia tabeman.

I-Rom 12:14

Kam na taetae ni kakab'aiaia akana b'ainikiriningkami; taetae ni kakab'aiaia, ao tai atongi taeka aika a na reke kaiia iai.

I-Rom 14:13

Ma ngaia ae ti na katoka arora ae te i-kabuakaka, ao ti na karekea ara baire b'a a na akea ae na kaaki te b'ai ni katatata ke ni kab'akab'aka i matan tarina.

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.