Nakoaia Ibonga 19:11 - Te B'aib'ara

¹¹ Tai iraa, tai kewe, ao tai kam'aneia raomi.

Nakoaia Ibonga 19:11 ပူးပေါင်းရင်းမြစ်များ

2.Tamuera 17:20

Ao a roko ana tautia Abetarom nakon te aine arei ao a titiraki ma te b'anaa ae e matoa ni kaangai, “A ngaa Aimaati ao Ionatan?” Ao e taku neierei, “A ri nanon te karaanga are e uarereke arei.” Ao a nako tautia akekei ni kakaaia m'aane ake uoman akekei. Ma a bon aki roko irouia, ao a okira Ierutarem.

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Taian Areru 101:7

E na aki maeka n au auti te tia m'am'anaa te aba; E na aki memena i matau ane b'ab'aina te kewe.

Taian Areru 116:11

Ao ni mangaongaon au iango ao i kaangai, “Akea ae I kona n onimakinna!”

Te Otinako 20:15

Ko na aki kimoa.

Te Otinako 20:16

Ko na aki bukina temanna n te aro ni kewe.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Te Otinako 22:1

Ngkana arona b'a ko iraea te kao mm'aane ao ko tiringnga ke ko kaboa nako, ao ko na kabooa mwiina n niiman taian kao mm'aane; ngkana ko iraea te tiibu ao ko tiringnga ke ko kaboa nako, ko na kaboa mwiina n aman te tiibu.

Te Otinako 22:7

Ngkana arona b'a iai ae e buutiiko b'a ko na kawakina ana tirewa ke b'aai aika a kakaawaki n am auti, ao a manga iraeaki b'aai akanne. E na kabooi mwiin b'aai akanne te aomata are e kimoai ngkana e reke.

Te Otinako 23:1

Kam na aki kabutanakoa te uarao ke ni buoka te aomata ae buakaka ni kaotioti i bukin ana kewe.

Taeka n Rabakau 24:28

Ko na aki bukina temanna ae akea ana bure. Ko na bon aki tataekina te kewe

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Nakoaia Ibonga 19:10

Tai taeki baan arokami kureebe ni kaitiaki ke ni booti uaana akana a b'aka. Katikui i bukiia akana a aki kaub'ai ma iruwa akana a maeka i buakomi. Bon te UEA Ngai ae Atuami.

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

Te Tua-Kaua 5:19

Kam na aki kimoa.

I-Korote 3:9

E na tai kewe temanna nakon temanna ngkai kam a tia ni kaki te aro ni maiu ngkoa ma kateina,

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”