Nakoaia Ibonga 18:27 - Te B'aib'ara

²⁷ Iteraera ni kabane n ikotaki ma ianena akana a maeka ma ngkami, kam riai ni kawakina ana Tua ma ana Kaetieti te UEA.

Nakoaia Ibonga 18:27 ပူးပေါင်းရင်းမြစ်များ

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 21:2

E aki ongotaeka Manate iroun te UEA ngke e katotongi katei aika buakaka ake kateia te botannaomata ake a kanakoaki iroun te UEA mai Iteraera.

2.Rongorongo 36:14

Ao a rikirake n aki rangi ni kakaonimaki riki kaain Iuta ao bon taian ibonga naba ake taan kairiiri. A katotoongaia botannaomata ake i rarikiia ni karaoi m'akuri aika a rangi n ribaaki ao a karika ana Tembora te UEA b'a e na aki raoiroi i bukin te taromauri.

Etekiera 16:50

A taku b'a a raoiroi riki nakoia aomata ni kabane, ao a karaoi b'aai aika I ribaai. Ma ngaia are, I kamaunaiia.

Etekiera 22:11

ke ma buuia tabem'aang. Ao tabeman a manga matu ma oin ai m'aaneia natin tamaia ke tinaia ma temanna.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Nakoaia Ibonga 18:24

Kam na tai kabarekaingkami ni m'akuri aikai, b'a anne aroia beekan ni kabarekaia beekan ake a maeka n te aba ngkoa i m'ain rokomi, ao are E a tia ni kanakoia te UEA mai iai b'a kam aonga ni kona ni maeka iai.

Nakoaia Ibonga 18:26

A karaoi baika bubuaka aikai ao ni karika kam'araan te aba, ma ngaia are, kam na tai karaoi.

Nakoaia Ibonga 18:28

Ao n te aro anne, e na aki m'anuokiningkami te aba, n aron are e m'anuokiniia ake a maeka i m'aimi ngkoa.

Te Tua-Kaua 20:18

B'a ngkana kam kariaia b'a a na maeka i rarikimi, ao ane a na kairarangingkami nakon taromaurian taian anti aika ribaaki, ao ane kam na aki kakaonimaki iai nakon te UEA.

Te Tua-Kaua 23:18

Te UEA ae Atuami, E bon rangi n ribaia m'aane ma aine aika karaoi aekaki ni m'akuri aikai, ao E na bon aki butim'aai aia b'aintangira, e ngae ngkana E a tia ni berita nakoia.

Te Tua-Kaua 25:16

Ma e na bon rangi n ribaia aomata akana karaoa ae aki riai ma n aki nanoanga nakoia aomata te UEA.