Nakoaia Ibonga 18:26 - Te B'aib'ara

²⁶ A karaoi baika bubuaka aikai ao ni karika kam'araan te aba, ma ngaia are, kam na tai karaoi.

Nakoaia Ibonga 18:26 ပူးပေါင်းရင်းမြစ်များ

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

Nakoaia Ibonga 17:10

Ngkana iai Iteraera ke iruwa i nanon te maeka aika kana te iriko ma raraana. E na katannakoa matana te UEA mai rouia, ao E na aki araniia b'a ana aomata.

Nakoaia Ibonga 17:8

Ngkana iai te I-Iteraera ke te iruwa i nanon te maeka ae e anga ana karea ni kabuokaki, ke te aeka ni karea riki teuana

Nakoaia Ibonga 18:25

Aia m'akuri e kabarekaa te aba. Ma ngaia are, te UEA E katuaea te aba ao ni karika naba te aba b'a e na m'anuokin taekaia taani maeka iai.

Nakoaia Ibonga 18:27

Iteraera ni kabane n ikotaki ma ianena akana a maeka ma ngkami, kam riai ni kawakina ana Tua ma ana Kaetieti te UEA.

Nakoaia Ibonga 18:30

Ao e taku te UEA, “Ongotaeka nakon tuua aika I anganingkami, ao tai katotoong aia m'akuri aomata ake a maeka n te aba aei i m'aimi, ao kam na tai kam'araingkami ni karaoan are a kakaraoia. Boni Ngai te UEA ae Atuami.”

Nakoaia Ibonga 18:5

Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 14:15

“Ngkana kam tangirai, ao kam na tou mwin au tua.

Ioane 15:14

Raou ngkami, ngkana kam karaoi baika I tuangngkami.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.