Nakoaia Ibonga 18:21 - Te B'aib'ara

²¹ Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 18:21 ပူးပေါင်းရင်းမြစ်များ

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 17:31

ao ake mai Awa, a karaoa te anti are Nibeati ma Taretaka, ao kaain Tebarawaim, a kareani natiia nakon oin antiia ake Aterammereka, ao Anammereka.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

Ieremia 19:5

Ao a tia ni karaoa te tiriaomata ikai, ma ni kabuokiia natiia, ataei aika akea aia bure b'a aia karea nakon B'aara. I bon tuai n tuangkami b'a kam na karaoa te b'ai anne.

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Etekiera 23:37

E a tia n aki kakaonimaki ngke a taromauri taiani bouannanti, ao a tia ni karaoa te bure n tiritiri ngke a karean oin natiia b'a aia angab'ai nakon taian bouannanti.

Nakoaia Ibonga 19:12

Tai kabonganaabuaka Arau ni karaoan berita aika kam na bon aki kaawakin. Bon te UEA Ngai ae Atuami.

Nakoaia Ibonga 21:6

Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.

Nakoaia Ibonga 22:2

b'a e na kaangai nakon Aaron ma natina m'aane: Bon te UEA Ngai ae te Atua, ao I tuangngkami b'a kam na karinea arau ae e tabu ni kaotan ami karinerine nakon te karea are e uotaki nako Iu mairouia Iteraera.

Nakoaia Ibonga 22:32

Kam na tai karika taetaebuakaan Arau ae e tabu; a riai Iteraera ni kabane n ataia ae I tabu. Boni Ngai te UEA, ao I tabuingkami;

Nakoaia Ibonga 24:15

Ao tuangiia naba b'a ane e taetaebuaka te Atua, ao e na mate n ai aron aei.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 5:26

B'a ngkai, kam'a tia n taromauri katotongan Takuta, are uean atuami, ao Kaiwan, are atuaia itoi ao kam na uouoti banna akanne

Mika 6:7

E koaua b'a E na kukurei te UEA ngkana I uoti nakoina tiibu aika m'aane aika ngaa, ma b'aan te oriwa ae e bure baireana? E koaua b'a N na anganna moan natiu b'a au karea ni kab'arabure?

Maraki 1:12

Ma e ngae ngke kam katinanikuai ngkami aika ibonga n ami taeka ae e kaangai, “Akea te b'ai ae e rangi ni kakaawaki n ana baonikarea te UEA, ao akea manenan karea aikai.”

M'akuri 7:43

Ao kam tabeka um'ani Moroka n uouotia, ma ana itoi te anti are Reban, ake bouananti ake kam karaoi b'a kam na taromauriia; ao N na kanakoingkami nakon aaba ake i tinanikuni B'aburon.”

I-Rom 1:23

ao a onika te Atua ae aki mamate ae mimitong b'a te bouananti ae katotongan te aomata ae mamate, ke maan aika kibakiba, ke maan aika kakaeai waeia, ke maan aika kawakawa.

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.