Nakoaia Ibonga 17:7 - Te B'aib'ara

⁷ E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Nakoaia Ibonga 17:7 ပူးပေါင်းရင်းမြစ်များ

2.Rongorongo 11:15

E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

Taian Areru 106:37

A anga natiia m'aane ma natiia aine b'a karea nakoia atua ni kewe.

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Te Otinako 22:19

Tuaan te wene ni bure ma maan bon te tiringaki.

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Te Otinako 34:15

Kam na aki raorao ma aomata ake ikekei, b'a kam kaawa ni manga taromauri anti ma n iri buakon aia am'arake n angakarea.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Etekiera 23:3

Ngke a uarereke ngke a maeka i Aikubita, a riki b'a ainen mataawa.

Etekiera 23:8

N te tai are e karaoi iai baikai i Aikubita, e aki manga konaa ni katokia. A wene m'aane ma ngaia, ao e a bon tatauraoi naba nakon te wene ni bure.

Nakoaia Ibonga 17:8

Ngkana iai te I-Iteraera ke te iruwa i nanon te maeka ae e anga ana karea ni kabuokaki, ke te aeka ni karea riki teuana

Nakoaia Ibonga 20:5

ma ngai I bon aki kariaia. Ngkana iai i buakomi ae e taromauria naba Moreka, ao N na bon ekinakoa ma ana utu ni kabane, ao N na bon aki kariaia b'a kam na riki b'a raoia au Aomata.

Nakoaia Ibonga 3:17

Bon akea temanna te Iteraera ae na kana te nenea ke te raraa: bon aio te tua ae a na kakawakinna Iteraera ni kabane n taai nako, ao n taabo nako ike a maeka iai.

Ioane 12:31

Ana tai ngkai te aonnaba aei ni motikaki taekana; te tai naba aei are e na b'aka man ueana iai te tia taua taekan te aonnaba aei;

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

1.I-Korinto 10:20

I aki, ma ae I nanonna: b'a baike a anga beekan b'a aia karea a anga nakoia taimonio, ma tiaki nakon te Atua; ao I aki tangiringkami b'a kam na buokanib'ai ma taimonio.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;