Nakoaia Ibonga 16:4 - Te B'aib'ara

⁴ Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita.

Nakoaia Ibonga 16:4 ပူးပေါင်းရင်းမြစ်များ

Te Otinako 28:2

Ao e karaoa te kunnikai Aaron ae tamaroa ae kakannato i bukiia ibonga aika rietaata.

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Te Otinako 30:20

b'a a aonga ni konaa n teboki baiia ma waeia iai ibonga i m'aain riniia nakon te Um'antabunrianna ke aia angakarea i aon te baonikarea.

Te Otinako 40:12

Kanakomaia Aaron ma natina mm'aane nakon mataroan te Um'antabunrianna, ao tuangiia b'a a na tebokia.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Etekiera 44:19

Ao a na riai ni buuti moa aia kunnikai ni ibonga i m'aain nakoia ni kawariia raoia tabem'aang ni katawanangin te Tembora, a na riai n buuti aia kunnikai ni ibonga, ao ni karin kunnikaia n aki akaaka. E na bon akea temanna ae e na konaa n riinga aia kunnikai aika a tabu ma ni karekeia n te kangaanga.

Etekiera 9:2

I nooria onoman m'aane aika a roko n rin man mataroan te Tembora are mai meang, a taui b'ai ni buaka aika a rangi ni kamaamate n te tatabemaniia nako. E raoniia te kaitiman ae e kunnikainna n te niiniira te riinen, ao e uoti b'aai aika e na koroboki i aona. A rin m'aane akekei i nanon te Tembora ao a tei i rarikin te baonikarea.

Nakoaia Ibonga 16:23

Ao i mwiina, e na nako Aaron n rin n te Um'antabunrianna, e na buuta te kunnikai n ibonga are e a tia ni karinna i m'aain rinna n te Tabo are Moan te Tabu, ao e katikui ana kunnikai ikekei.

Nakoaia Ibonga 16:24

E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata.

Nakoaia Ibonga 16:32

E na riai n anga ana karea te ibonga are e rietaata i bukin kab'araan te bure, ao e na kunnikainna n taian riinen aika tabu.

Nakoaia Ibonga 6:10

Ao te ibonga are kunnikainna n te roobu, ao e kawaerakenna n te rinen, e na kanakoi taian mannang ake a mena n nenea, ao e na katikui i rarikin te baonikarea.

Nakoaia Ibonga 6:3

ao e na karaoaki te anga karea i bukin ana bure anne ke ni kewe n te b'ai are e bua, b'a aongkoa e tuai reke i rouna.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

I-Biribi 2:7

Ma E kukurei ni kaaki b'aai ni kabane aika i rouna, ao E arona aron te toro. E riki n ai aron te aomata

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.