Nakoaia Ibonga 16:31 - Te B'aib'ara

³¹ ao man te tai aei, e na bukamaruaki ni katoa ririki. Kam na aki am'aam'arake ma ni karika te bong aei b'a te bong ni motirawa n aron te Taabati.

Nakoaia Ibonga 16:31 ပူးပေါင်းရင်းမြစ်များ

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Te Otinako 31:15

Onobong ami bong ni karaoi ami m'akuri, ma Au b'ai te Taabati, ao e na riai n tiku b'a te bong ni motirawa. Kam na aki atongaki b'a Au aomata ngkana kam m'akuri n te Taabati, ao kam na kamateaki.

Te Otinako 35:2

Onobong ami bong ni m'akuri. Ma kam na tabua te bong ae te kaitiua ni bong b'a au b'ai, Ngai ae te UEA, b'a te bong ni motirawa. A na tiringaki aomata akana a m'akuri n te Taabati.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Itaia 58:5

Tao kam taku b'a e tangiringkami te UEA b'a kam na toki man ami aki am'am'arake ma ami nanorinano are kaanga te buakoako n aroka ae e raranako? Ke Tao ni karina te kunnikai ae e mangaingai ma n tekateka i aon taiani mannang? Bon aei te b'ai ae e tangiria n te bong n taromauri?

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Nakoaia Ibonga 23:32

Mani bungin taai ni karuaiwan bongin te nam'akaina nakon bungin taai ni katebwinan bongina kam na motirawa iai, ao akea te bae kam na kanna naba iai.

Nakoaia Ibonga 25:4

ma n te kaitiua n ririki kam na riai ni kamotirawai ami tawaana ma ami nne ni kureebe b'a karineakiu, ngai ae ami UEA.