Nakoaia Ibonga 16:27 - Te B'aib'ara

²⁷ A na uotaki nikiran b'ain te kaom'aane ao raraan te kooti are e uotaki raraana nakon te tabo are Moan te Tabu, ao e na manga uotaki ni kaotinakoaki i tinanikun te maeka ma ni kabuokaki.

Nakoaia Ibonga 16:27 ပူးပေါင်းရင်းမြစ်များ

Nakoaia Ibonga 4:21

Ao i mwiina, e na uotaanako te kao nako tinanikun te kaawa, ao e na kabuokia ikanne n ai aron are e karaoia naba nakon te kao are te karea, are bon i bukin kab'araan ana bure. Ao ai anne ngkanne te angakarea i bukin kab'araan aia bure aomata.

Nakoaia Ibonga 6:11

Ao e na manga oneia nakon kunnikaina ake mai m'aaina, ao e na uoti taian mannang nako tinanikun te kaawa n te tabo are a kakarenakoaki iai taian maange.

Nakoaia Ibonga 6:23

Bon akea m'akoron te karea are te uita are karaoa te angakarea iai te ibonga ae na kanaki; a na bane ni kabuokaki ni kabane.

Nakoaia Ibonga 6:30

Ma ngkana e uotaki te raraa nakon te Um'antabunrianna, ao e na kabonganaaki i bukin kab'araan buure, ao e na aki kanaki te man anne, ma e na kabuokaki ni kabane rab'atana.

Nakoaia Ibonga 8:17

Ao e anaa te kao m'aane ni kabane, ma kunna, irikona, kanoannanona, ao e kabuoki i tinanikun te maeka, n ai aron ana mwioko te UEA.