Nakoaia Ibonga 16:24 - Te B'aib'ara

²⁴ E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata.

Nakoaia Ibonga 16:24 ပူးပေါင်းရင်းမြစ်များ

Te Otinako 28:40

Ngkai bon taian ibonga naba natin Aaron mm'aane, ao a bon riai naba n nooraki b'a a bane nanoia iai. Ma ngaia are, e riai naba ni karaoaki niiniiraia, kabaean nuukaia, ao b'araia ae e kaokoro bon i bukiia.

Te Otinako 28:41

Ao i mwiina, kam na karin kunnikaiia Aaron ma natina mm'aane, ao kab'aroa te b'aa i aon atuuia, ao katabuia b'a au ibonga.

Etekiera 42:14

Ngkana a tauraoi ni kiitana te Tembora ibonga, a na riai n ri nanon taian ruu aikai i m'aain okiia nakon katawanangin oon te Tembora. A na riai ni katikui aia kunnikai aika a tabu n taian ruu aikai i m'aain ae a nakon taabo tabeua i rarikiia aomata.

Nakoaia Ibonga 14:9

Ngkana e a koro itiua te bong, ao e na manga korobuataua atuuna, ma buaina, ma ana ari, ao buraen rab'atana ni kabane; e na uatiia kunnikaina man teboka rab'atana, ao e a tib'a itiaki raoi.

Nakoaia Ibonga 16:25

E na waerake bubun nenean taiani karea aikai i aon te baonikarea te buraonti.

Nakoaia Ibonga 22:6

Ngkana iai te ibonga ae e kam'araa, e na kam'araa ni karokoa te tairiki, ao e aki kona ni kana te karea are e tabu, ma ti ngkana e a tia n tebotebo.

Nakoaia Ibonga 9:7

Ao i mwiina, e taku nakon Aaron, “Naako nakon te baonikarea ao anga te karea ni kab'arabure ao te karea ni kabuokaki i bukin kab'araan aia bure aomata. Ko na kaoti taiani karea aikai b'a kab'araan aia bure aomata, n aron ana taeka te UEA.”

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.