Nakoaia Ibonga 16:2 - Te B'aib'ara

² E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Nakoaia Ibonga 16:2 ပူးပေါင်းရင်းမြစ်များ

1.Uea 6:16

E mena te ru are Moan te Tabu mai bukin te Tembora, ao buuburana bon 9 te tikuea miita. A tei kairababa aika taian tiira mai aon te burooa nakon te tiiring, ni kaokoroa man rab'atan te Tembora ni kabane.

1.Uea 8:6

Ao a uota te Atiniberita ibonga nako nanon te tabo are Moan te Tabu, ao a katikua i aani b'aai ake iai baiia ni kiba,

2.Rongorongo 5:14

E mena mimitongin te UEA i nanon te nang arei, ao e rangi n raaitiiti te oota ae e nako mai iai n te aro are a aki konaa n tiku ibonga i nanon te Tembora ni karaoa aia m'akuri.

Te Otinako 30:10

E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Nakoaia Ibonga 16:13

E na kaaki te b'ai ni kaboiarara are e kaakabubuaki i aon te ai i matan te UEA, ao e na waerake bubuna n taona aon matan te Atiniberita b'a e aonga n aki mate.

Nakoaia Ibonga 16:34

Kam na riai ni bukamarua te bong aei ni katoa ririki b'a boni Bongin Te Kab'ara Bure i bukin aia bure Iteraera ni kabane. E karaoi raoi b'aai ni kabane ake e tuangaki Moote iroun te UEA.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 8:35

Ko na tiku i nanon mataroan ana Um'antabunrianna te UEA ni bong ao ni ngaina i nanon itiua te bong, ni karaoi b'aai ake E tuangko te UEA b'a ko na karaoi. Ma ngkana ko aki, ao ko na mate. Bon anne ana mwioko te UEA nako iu.”

Warekaia Iteraera 17:10

Ma E taku te UEA nakoni Moote, “Kaoka okon Aaron! Katikui i rarikin te Atiniberita b'a te b'ai n reirei nakon ane e na manga iangoa te kamangao. Ngkana e aki toki ngurengureia nako Iu, ao N na kamaunaia.”

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Warekaia Iteraera 4:19

E na boni kamaunaaki nako aia kaainga ae b'anin ngkana a karaoa aei.

Warekaia Iteraera 4:5

Ngkana a tauraoi nakon kab'aranakoan aia auti n rianna Iteraera, ao a na rin i nanon te Um'antabunrianna Aaron ma natina mm'aane, ao a na kab'ara te roki are i matan te Ati ni Berita, ao a na rabuna iai te Ati ni Berita,

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

Ebera 6:19

Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

Ebera 9:25

Ao E aki rin iai b'a E na okioki n anganga Ngaia b'a te karea, n ai aron te ibonga ae kakannato are rin n te tabo are moanibaan te tabu n te ririki ae koraki ma uotana ae te raraa ae tiaki raraana.

Ebera 9:3

Ao i akuun te roki are te kauoua bon te ruu ae aranaki b'a te tabo ae moanibaan te tabu;

Ebera 9:5

Ao a mena i aon te ati ni boraraoi kerubim aika mimitong, ma baiia ni kiba aika taangaki nako n rabuna aon te ne ni kab'ara buure. Ma tiaki taiia ngkai ni kabaneaki raoi aroia ni kab'arab'araaki.

Te Kaotioti 15:8

Ao e kaonaki te Tembora n te bubu mani mimitongin te Atua, ao mani m'aakana; ao akea temanna ae kona n rin n te Tembora ni karokoa ae a toki b'aai ni kamamate ake itiua ake aia b'ai anera ake itiman.