Nakoaia Ibonga 16:18 - Te B'aib'ara

¹⁸ ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea.

Nakoaia Ibonga 16:18 ပူးပေါင်းရင်းမြစ်များ

Te Otinako 30:10

E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Etekiera 43:20

Anaa tabeua raraan taiani man ao kabira iai koonan te baonikarea ake aua, ao tabeua i aon koonan m'akoron te baonikarea are mai nuuka, ao tabeua riki ni katobibia mataniwiina. E na kaitiaka te baonikarea te b'ai anne b'a e aonga n tau i bukin te angakarea nako iu.

Etekiera 43:22

N te bong are i mwiina, e na kareanaki te kooti ae akea buakakan rab'atana b'a te karea i bukin te bure. Ko na kaitiaka te baonikarea n raraana, n aron are ko karaoia naba n raraan te kaom'aane.

Etekiera 45:19

E na anaa teuana te raraa te ibonga ma te karea aei ao e na taataauri iai bouan te Tembora, ao ai uana naba ma koonan te baonikarea ao bouan te mataroa n te kawai n rin nakon te katawanang are i nanona.

Nakoaia Ibonga 16:16

Ao e na waakinaki te bootaki n aron anne i bukin kaitiakan te Tabo are Moan te Tabu man kam'araia Iteraera ao man aia bure ni kabane. E riai ni karaoa aei nakon te Um'antabunrianna naba kioina b'a e tei i nuukan te maeka, are e bon aki itiaki.

Nakoaia Ibonga 16:17

E na riai n akea te aomata i nanon te Um'antabunrianna n te tai are e tuai n rin iai Aaron n te Tabo are Moan te Tabu b'a e na karaoa te kaitiaki ni karokoa otinakona. Ngkana e tia ni karaoa te waaki ni kaitiaki i bukina ma ana utu,

Nakoaia Ibonga 4:18

E na kararaaea koron te baonikarea n te b'ai ni kaboiarara are e kaakabubuaki, are e mena i nanon te Um'antabunrianna, ao e na kabanea ni kab'aroa nikiran te raraa i oin te baonikarea are i bukin kabuokan te karea, are e mena i mataroan te Um'antabunrianna.

Nakoaia Ibonga 4:25

E na kateboa tabonibaina te ibonga i nanon te raraa, ao e na kararaaea iai koron te baonikarea ake aua, ao e na kab'aroa nikirana ni kabanea i oin te baonikarea are b'ain kabuokan te karea ni kabuokaki.

Nakoaia Ibonga 4:7

Ao i mwiina, e na kararaaea koron koonan te baonikarea are i bukin karea aika boiarara, are i nanon te Um'antabunrianna. E na kabanea ni kab'aroa nikiran te raraa i oin te baonikarea are i mataroan te Um'antabunrianna.

Warekaia Iteraera 28:22

Ao anga naba te kooti b'a te karea i bukin aia bure aomata.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ebera 2:11

B'a Iesu ni botaki ma ake a riki n tabu maiuia i Rouna b'a ana b'ai te Atua a bane n nako man te oi ae ti teuana. Ma ngaia ae E aki mamaa n atongiia b'a tarina,