Nakoaia Ibonga 16:16 - Te B'aib'ara

¹⁶ Ao e na waakinaki te bootaki n aron anne i bukin kaitiakan te Tabo are Moan te Tabu man kam'araia Iteraera ao man aia bure ni kabane. E riai ni karaoa aei nakon te Um'antabunrianna naba kioina b'a e tei i nuukan te maeka, are e bon aki itiaki.

Nakoaia Ibonga 16:16 ပူးပေါင်းရင်းမြစ်များ

Te Otinako 30:10

E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Nakoaia Ibonga 16:17

E na riai n akea te aomata i nanon te Um'antabunrianna n te tai are e tuai n rin iai Aaron n te Tabo are Moan te Tabu b'a e na karaoa te kaitiaki ni karokoa otinakona. Ngkana e tia ni karaoa te waaki ni kaitiaki i bukina ma ana utu,

Nakoaia Ibonga 16:18

ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Warekaia Iteraera 17:11

Ao e karaoa te b'ai are e tuangaki Moote.

Warekaia Iteraera 28:15

Ao n reitaki ma te karea ni kabuokaki ma te wain ni katoa bong, bon teuana te kooti b'a te karea ni kab'ara bure.

Ioane 14:3

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.