Nakoaia Ibonga 16:13 - Te B'aib'ara

¹³ E na kaaki te b'ai ni kaboiarara are e kaakabubuaki i aon te ai i matan te UEA, ao e na waerake bubuna n taona aon matan te Atiniberita b'a e aonga n aki mate.

Nakoaia Ibonga 16:13 ပူးပေါင်းရင်းမြစ်များ

Te Otinako 25:21

Kaaki taian atiibu ake uoua i nanona ake a m'akoro i aon Tuua ake tebwina ao kaaki matana are te koora i aon te ati.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Te Otinako 30:1

Karaoa te baonikarea man te kai ae te aketia are ko na konaa iai ni kabuoka te b'ai ni kaboiarara are e kaakabubuaki.

Nakoaia Ibonga 22:9

Ongotaeka i Rou, ao ngkana ko aki ao ko na mate i aon am m'akuri i bukin kamamaaean te tabo n taromauri. Uringnga b'a Boni Ngai te UEA, are I katabua te ibonga.

Warekaia Iteraera 16:18

Ao n te bong are i mwiina, ao a nnei b'aai ni kaboiarara ma kooro mm'aane akekei i nanon aia baan are baanin te ai, ao a tei ma Moote ao Aaron i mataroan te Um'antabunrianna.

Warekaia Iteraera 16:46

Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Warekaia Iteraera 16:7

Ao e na riki b'a Ana ibonga te UEA te mm'aane ane E rineia. Kora, kam a tia n rangi n ri aon ae riai ngkami kanoan Rewi!

Warekaia Iteraera 4:15

Ngkana a nang m'ananga nako Iteraera ao kanoan Koata bon taani uouoti b'aai aika tabu, ma b'ain nanon te Um'antabunrianna. Ma a na kaman tia n rabuni baikai Aaron ma natina mm'aane, b'a a kaawa ni bo ma baiia kanoan Koata ao ni mate.

Warekaia Iteraera 4:20

Ma ngaia are, kam riai ni kakoaua raoi b'a e na airi Aaron ma natina mm'aane ma ngaiia nakon te Um'antabunrianna, ma n tuangiia baika a riai ni uoti.

Te Tua-Kaua 33:10

Kam reirei ana Tua te Atua nakoia Iteraera, ao kam anga taiani karea ao kam kabuoki taian b'ai ni kaboiarara n te tabo n taromauri.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.