Nakoaia Ibonga 16:12 - Te B'aib'ara

¹² e na riai n anaa baanin te ai ae e on n te kooro ae e ura man te baonikarea, ao uaabuata te b'ai ni kaboiarara are e kaakabubuaki, ao e na uoti nakon te Tabo are Moan te Tabu.

Nakoaia Ibonga 16:12 ပူးပေါင်းရင်းမြစ်များ

Te Otinako 31:11

ao te b'ai ni kaboiarara are e kaakabubuaki i bukin te Tabo are e Tabu.

Te Otinako 37:29

Ao e rengana te b'a i bukin te katabutabu Betarera ma te b'ai ni kaboiarara ake a rengana te b'ai ni kaboiarara are e kaakabubuaki.

Nakoaia Ibonga 10:1

A kaai n anaa baanin te ai natin Aaron m'aane ake Nataba ao Abiu, ao a kaaki te kooro i nanona, a ikotia ma te b'ai ni kaboiarara are e kaakabubuaki, ao a kaotia nakon te UEA. Ma e bon aki tabu te ai aei, i bukina ngke E bon aki tuangiia te UEA b'a a na kaotia.

Warekaia Iteraera 16:18

Ao n te bong are i mwiina, ao a nnei b'aai ni kaboiarara ma kooro mm'aane akekei i nanon aia baan are baanin te ai, ao a tei ma Moote ao Aaron i mataroan te Um'antabunrianna.

Warekaia Iteraera 16:46

Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Te Tua-Kaua 33:10

Kam reirei ana Tua te Atua nakoia Iteraera, ao kam anga taiani karea ao kam kabuoki taian b'ai ni kaboiarara n te tabo n taromauri.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Ebera 9:7

ma ti te ibonga ae kakannato ae rin nako n te tabo are moanibaan te tabu; ao ti teuana ana tai ni karaoa aei n teuana te ririki, ao uotana ni katoa tai te raraa ae e na anga bon i bukina, ao i bukin naba aia bure aomata.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 8:5

Ao e anaa te baan te anera, ao e kanoaia n ain te baonikarea, ao e tewea nako aon te aba; ngke e karaoa aei ao e rebwetata te baa ma n rurunga, ao e itiiti, ma ni m'aeiei aon te aba.