Nakoaia Ibonga 16:10 - Te B'aib'ara

¹⁰ Te kooti are e reke b'a ana b'ai Ataera e na kaotaki ni kamaiuaki nakon te UEA, ao e na kabirinakoaki nako nanon te rereua nakon Ataera, b'a e na uoti nako aia bure aomata.

Nakoaia Ibonga 16:10 ပူးပေါင်းရင်းမြစ်များ

Nakoaia Ibonga 14:7

E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa.

Nakoaia Ibonga 16:8

Ao e na karaoa te kaiwa ikanne, n atiibu aika uoua, te atiibu teuana e m'aakenaki “i bukin te UEA,” ao are teuana i bukin “Ataera”.

Nakoaia Ibonga 16:9

E na riai Aaron n anga te karea are e rineaki n te kaiwa are te karea ni kab'arabure.

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.