Nakoaia Ibonga 15:13 - Te B'aib'ara

¹³ Ngkana e a toki meiran te buri iroun te aomata anne, ao e na tataningaa riki itiua te bong, ao e na manga uatiia kunnikaina, ao e na tebotebo n ranin te koburake n ran ae itiaki, ao e a tib'a toki kam'araana iai.

Nakoaia Ibonga 15:13 ပူးပေါင်းရင်းမြစ်များ

Te Otinako 29:35

Karaoa te bootaki ni katabutabu i bukin Aaron ma natina mm'aane i nanon itiua te bong aika ti te bo kanoaia, n aron are I a tia n reireiniko.

Te Otinako 29:37

Kam na karaoa aei i nanon itiua te bong, ao e na riki n tabu iai te baonikarea n te aro are a na bane n tabu akana a riiringnga.

Ieremia 33:8

A bure ao a kakaitaraai, ma N na kab'arai aia bure ma ni uoti nako aia kaairua.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 14:8

Ao e na teboka kunnikaina te aomata arei, ao e na korobuataua atuuna, man tebokia; ao e a tib'a itiaki. E a konaa n rin n te kaawa, ma e na aki riirin n um'ana n rianna i nanon itiua riki te bong.

Nakoaia Ibonga 15:28

E na manga tataninga riki itiua te bong i mwiin tokin nakona, ao e a tib'a itiaki.

Nakoaia Ibonga 15:5

E na uatiia kunnikaina, ao e na tebokia te aomata ane e riinga ana kainiwene,

Nakoaia Ibonga 8:33

Ko na aki otioti nako mai nanon ana Um'antabunrianna te UEA ni uaa banen raoi bongin katabuakim ake itibong.

Nakoaia Ibonga 9:1

N te bong are e bane iai karaoakin te katabu, ao Moote e wetea Aaron ma natina m'aane ao taani kairiiri i aon Iteraera.

Warekaia Iteraera 12:14

Ma E taku te UEA, “E na tiku n rawawata Nei Miriam i nanon itiua te bong ngkana e a tia tamana ni katuaaea ni baawarea matana. Ma ngaia ae, ko na katikua i tinanikun te maeka i nanon itiua te bong, i m'aain okina.”

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;