Nakoaia Ibonga 15:12 - Te B'aib'ara

¹² A na uruakaki taiani b'aata aika katiibu ake e riingi te aomata anne, ao a na tebokaki taian b'aata aika taian kai ngkana e riingi naba.

Nakoaia Ibonga 15:12 ပူးပေါင်းရင်းမြစ်များ

Taian Areru 2:9

Ko na tiriboia n te oko ae te biti ao ni ibeibeia kanga ai aron te m'angko ae te tano.”

Taeka n Rabakau 1:21

Kaanga te aine ae e takaarua n taabo ni boob'ai ao i rarikin mataroan te kaawa ae e kaangai nakoia aomata,

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Taeka n Rabakau 3:21

Natiu, kamanena am iango ao ana babaaire nanom ae e raoiroi! Kaawakinna inanom n taai nako.

Nakoaia Ibonga 15:11

Ngkana e riinga te aomata temanna te aomata are e kam'araa i m'ain tebokani baina, ao e na uatiia kunnikaina, ao e na tebokia, ao e na bon tiku naba ni kam'araa ni karokoa te tairiki te aomata are riingaki.

Nakoaia Ibonga 6:21

E na renganaki ma te b'a, ao e na kuukanaki i aon te b'ai ni keeke. Ao i mwiina e na manga uruakaki ni kauarerekeaki, ao e na uotaki b'a te karea are te uita, ae kakukureia te UEA boiararana.

Nakoaia Ibonga 6:28

E na uruaki te b'aata te kaatiibu are e kaburoaki iai irikon te man anne, ao ngkana e kaburoaki n te b'aata te biti, ao e na karauaki ni kaaraki ni kaitiakaki raoi te b'aata anne, ao e na manga tebokaki n te ran.

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.