Nakoaia Ibonga 14:7 - Te B'aib'ara

⁷ E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa.

Nakoaia Ibonga 14:7 ပူးပေါင်းရင်းမြစ်များ

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 13:13

ao e na tuoaki riki iroun te ibonga, ao ngkana e noria te ibonga b'a e a manga bitaki matan te kun ni kabane nakon te mainaina, ao e kam'araa te aomata anne ni kaineti ma aron te taromauri.

Nakoaia Ibonga 13:17

b'a e na manga tuoaki riki. Ao ngkana arona b'a e a mainaina, ao e itiaki te aomata anne, ao e na katanoataa te ibonga b'a e itiaki.

Nakoaia Ibonga 14:51

Ao e na manga anaa te kai ae te tiira ma te karai ae uraura, ao te mannikiba ae maiu, ao e na kateboi ni kabane i nanon raraan te mannikiba are e a tia n tiringaki, ao i nanon naba ranin te koburake n ran.

Nakoaia Ibonga 16:14

E na anaa teutana raraan te kaom'aane n tabonibaina, ao e na kaitiua tataaurian etan tani mainikun te Atiniberita iai.

Nakoaia Ibonga 16:19

E na tatauriia teutana te raraa nako aon te baonikarea itiua te tai. Ao e na kaitiaka te baonikarea n te aro anne man aia bure Iteraera ao e na manga katabua.

Nakoaia Ibonga 16:22

Ao n tokina te kooti e na uoti nako rawaawatan aia bure Iteraera ma ni kab'akai i kabin te rereua.

Nakoaia Ibonga 4:17

ao e na kateboa taboni baina i nanon te raraa, ao e na tatauriia rokin te ru are tabu iai itiua te tai.

Nakoaia Ibonga 4:6

E na kateboa baina i nanon te raraa, ao e na tatauriia iai rokin te ruu are e tabu itiua te tai.

Nakoaia Ibonga 8:11

E anaa riki te b'aa, ao e a manga katimtim'a itiua te tai i aon te baonikarea, ma b'aina nako ma te beetin, ma nangoana, b'a e katabui nakon te UEA.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Warekaia Iteraera 19:12

Ma ngkana kam tebokingkami n te ran are e renganaki ma mannangin te kao n te katenua ni bong, ao manga n te kaitiua ni bong, ao kam na itiaki, ao ma ni kariaiakaki naba n taromauri. Kam na riai n tebokingkami ni boong aikai, ma kam na teimatoa ni kam'ara ngkana kam aki.

Ioane 19:34

ma e ewara rarikina temanna irouia tautia n te kainiwai, ao e waanako naba ngkekei te raraa ma te ran.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 9:13

B'a ngkana a kaitiakaki aomata mani kam'araia n raraaia kooti ma kao mm'aane ma mannangin te kao aine te tei, aika a katim'aki i aoia;

Ebera 9:19

Ngke e a tia Moote n tuangiia aomata ni kabaneia b'aai ni kabane ake a taekinaki n te Tua, ao e anaa te burae ae uraro ae buraen te tiibu ma te kaib'ab'aa ae te utob'a ao e kamanenai ni katimtim'a iai raraaia bun ni kaao ma kooti, ma te ran i aoia aomata ni kabaneia ma te nira ni boki;

Ebera 9:21

Ao e katimtim'a naba te raraa Moote n te aro naba arei i aon te um'a ao i aoni b'aai nako ake b'ain te taromauri.

Ebera 9:26

B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Ioane 5:6

Boni Ngaia Teuare nako mai n te raraa ma te ran, are Iesu Kristo. E nako mai, tiaki ti n te ran; ma n te ran ao n te raraa. Ao te Tamnei boni Ngaia te tia kaotiota koauan te baei; b'a te Tamnei bon te koaua.