Nakoaia Ibonga 14:6 - Te B'aib'ara

⁶ E na anaa te man are temanna, n ikotaki ma b'angun te kai are te tiira, ma te karai ae uraura, ao m'aangan te utob'a, ao e na kateboi ni kabane i nanon raraan te man are tiringaki.

Nakoaia Ibonga 14:6 ပူးပေါင်းရင်းမြစ်များ

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Nakoaia Ibonga 14:4

ao e na tuatua te ibonga b'a a na uotaki nako ina uoman mannikiba aika aki kam'araa, n reitaki ma m'akoron te kai are te tiira, ma te karai ae uraura ao m'aangan te utob'a.

Nakoaia Ibonga 14:5

Ao e na manga tuatua te ibonga b'a e na tiringaki temanna te mannikiba i aon te boora are te kaatiibu are kanoaaki n ranin te koburake n ran ae itiaki.

Nakoaia Ibonga 14:50

E na tiringa temanna te mannikiba i aon te boora te tano are iai kanoana are ranin te koburake n ran.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Ioane 14:19

Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;