Nakoaia Ibonga 14:13 - Te B'aib'ara

¹³ E na tiringa te tiibuteteei n te tabo are tabu, are a tiringaki naba iai man aika kawakawa ake i bukin te karea ni kab'arabure, ao te karea ni kabuokaki.

Nakoaia Ibonga 14:13 ပူးပေါင်းရင်းမြစ်များ

Te Otinako 29:11

Tiringa te kaomm'aane i rarikin au baonikarea i matan te Um'antabunrianna.

Etekiera 42:13

Ao e taku te aomata arei nako iu: Ru aikai a mena i meaangin ao i maiakin te Tembora bon taian ruu aika a tabu ike a na kang iai karea aika a rangi n tabu ana ibonga te UEA. Raon taiani karea aikai bon te karea are te uita, te karea i bukin te bure, ao te karea i bukin kaetan b'aai.

Nakoaia Ibonga 1:11

Ao e na tiringnga n tanimeangin te baonikarea, ao a na tatauriia koonan te baonikarea ake aua ibonga n te raraa.

Nakoaia Ibonga 1:5

E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 10:17

“E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

Nakoaia Ibonga 2:10

Aia b'a ibonga nikiran te karea; e bon rangi n tabu te am'arake anne i bukina ngke a anaaki man taian am'arake ake taian karea nakon te UEA.

Nakoaia Ibonga 2:3

Ao a na b'aina nikiran te karea ibonga. A rangi n tabu am'arake aikai i bukina ngke a anaaki man am'arake ake taian karea nakon te UEA.

Nakoaia Ibonga 21:22

A kona ni kang taiani karea aika am'arake aika I anganaki,

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:4

E na uota ana kao anne nako mataroan te Um'antabunrianna, ma ni katokaa baina i aon atuun te man, ao e na tiringnga ikanne i matan te UEA.

Nakoaia Ibonga 7:2

E na riai n tiringaki te man i bukin te karea aei n iteran te baonikarea are mai meaang, ike a tiringaki iai maan i bukin te karea are te kab'anin, ao e na tataariaki iai iteran te baonikarea ake aua.