Nakoaia Ibonga 14:10 - Te B'aib'ara

¹⁰ N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 14:10 ပူးပေါင်းရင်းမြစ်များ

Te Otinako 29:40

Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 14:11

E na kaira te aomata anne te ibonga ma karea akanne nako matan te UEA ni mataroan ana Um'antabunrianna te UEA.

Nakoaia Ibonga 14:12

Ao i mwiina, e na manga anaa temanna te tiibu teteei te aine te ibonga ma te katenim'akoro te riita b'aan te oriwa, ao e na anga b'a te karea ni kabomwi. E na anga b'a te b'ai n tangira nakon te UEA i bukin te ibonga.

Nakoaia Ibonga 14:15

E na anaa teutana b'aan te oriwa te ibonga, ao e na kab'aroa teutana i nanon baina are te maing,

Nakoaia Ibonga 14:21

Ngkana e rangi ni maiu ni kainano te aomata n te aro are e aki kona ni kareke b'aai aikai, ao e kona ni uota temanna te tiibuteteei ae te m'aane i bukin kaitiakana b'a ana karea ni kabomwi, are te b'ai n tangira nakon te UEA i bukin te ibonga. E kona ni uota ti teuana te kirokuraem te buraawa are renganaki ma b'aan te oriwa i bukin te karea are te uita, ao kateni m'akoron te riita b'aan te oriwa.

Nakoaia Ibonga 2:1

Ngkana iai ane anga ana karea are te kaaitau nako iu, ao e na riai moa ni kamanta raoi ana buraawa, ao e na renganna ma b'aan te oriwa, ao te b'ai ni kaboiarara are e kaakabubuaki,

Nakoaia Ibonga 2:11

Bon akea temanna ae na anga nakon te UEA ana karea are te uita ae e itinaki. Kam na bon aki kamanenaa te iti ke ana karewe te manibeeru n te am'arake are te karea nakon te UEA.

Nakoaia Ibonga 2:13

Kam na taoron ami karea ni kabane ake uita, i bukina b'a bon kanikinaean ana berita te UEA ma ngkami te taoro (Kam na taoron ami karea ni kabane.)

Nakoaia Ibonga 23:13

n ikotaki ma uoua te kiro te buraawa ae e manti raoi ae e renganaki n te oera. E na katokaa i aon te baonikarea are te buraonti, ao e na kanakoa nako Iu n te bubu ae e boiarara ae e kakukureiai. I rarikin naba baikai, kam riai naba n uota teuana te riita te wain b'a te karea ae te mooi.

Nakoaia Ibonga 4:32

Ngkana e uota ana tiibu te aomata b'a ana karea ni kab'arabure, ao e na riai n anaa ana man te aine ae akea toabuakan rab'atana.

Nakoaia Ibonga 9:1

N te bong are e bane iai karaoakin te katabu, ao Moote e wetea Aaron ma natina m'aane ao taani kairiiri i aon Iteraera.

Warekaia Iteraera 28:20

Kam na kaairia ma kaka temanna te kaomm'aane ami buraawa are onoua te rawawata are e mte are renganaki ma b'aan te oriwa b'a te karea are te uita. E na kaairaki ma te tiibu mm'aane, aua te rawawata te buraawa are renganaki ma te b'a,

Warekaia Iteraera 6:14

ao ko na anga teniman te man aika akea toabuakan rab'ataia. Ko na anga te tiibuteteei ae teuana ana ririki ni maiu i bukin te karea are kakukureiau, ao te tiibu te teei ae te aine i bukin te bure, ao te tiibu te teei ae e a ikawai b'a te karea i bukin bubutiakiu au kakab'aia.

Warekaia Iteraera 7:43

ana angab'ai teuana te raurau ae ab'ab'aki ae te tirewa, ao 130 te tiekera rawatana, ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 1:44

Ao E taku, “Tarataraiko b'a ko na aki tuanga temanna; ma naako moa, kaotiko nakon te ibonga, ao anga baike e tua Moote b'a b'aini kaitiakam, b'a te b'ai ni kakoaua nakoia aomata.”

Ruka 5:14

Ao E kamatoa ana taeka nako ina b'a e na aki tuanga temanna; ao E taku, “Ko na nako ni kaotiko nakon te ibonga, ao anga te karea i bukini kaitiakam n ai aron are e tua Moote, b'a te b'ai ni kakoaua nakoia aomata.”

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

1.Betero 1:19

ma kam kainaomataki n te raraa ae kakawaki ae raraani Kristo, are kanga ai aron te tiibuteteei ae akea buakakana ao akea baarekana.