Nakoaia Ibonga 13:57 - Te B'aib'ara

⁵⁷ Ao i mwiina, ngkana e a manga kaoti te aoraki arei, ao e a manga raka nako, ao e na riai te aomata are a na b'ai te b'ai anne ni kabuokia.

Nakoaia Ibonga 13:57 ပူးပေါင်းရင်းမြစ်များ

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Nakoaia Ibonga 13:48

ke kunin te man, ke b'aai nako aika a karaoaki ni kunin te man,

Nakoaia Ibonga 13:56

Ma ngkana e tabe ni mauna nako te aoraki, ao e na raeia ni kanakoa man te kunnikai ke te kunniman.

Nakoaia Ibonga 13:58

Ngkana e a mauna naba ngkana e uatiia, e na manga uatiia riki, ao e itiaki ni kaineti ma aron te taromauri.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Te Tua-Kaua 24:8

I a tia n tuangiia ibonga te b'ai ae a na karaoia ngkana e reke temanna mai buakomi n te rebera, ma ngaia are, kam na karaoi b'aai ni kabane akana tuangingkami.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”