Nakoaia Ibonga 13:46 - Te B'aib'ara

⁴⁶ E na tiku ni kam'araa ni karokoa tokin aorakina, ao e na riai ni maeka i tinanikun te maeka, ni kararoa mairouia aomata.

Nakoaia Ibonga 13:46 ပူးပေါင်းရင်းမြစ်များ

2.Tamuera 3:29

A bure iai Ioaba ma ana utu. Bon au tataro b'a a na taonaki n te aoraki ae te kaboa ana utu Ioaba n taai nako ao aorakin te kun ake tabeua. A na riki b'a aomata aika a kibiubiu, ao a na mate n te buaka ke te baki.”

2.Uea 15:5

E katuaaea Ataria te UEA n te reebera, ni kabanea bongini maiuna. E aki kariaiakaki b'a e na maeka n ana bareti te uea, ma ngaia are, e maeka natina n te bareti man tautaeka n onea mwiina.

2.Uea 7:3

Ao ni bon te tai naba arei, ao iai aman m'aane aika a reebera aika a mena i tinanikun mataroan te kaawa are Taamaria. A taetae i bon irouia ao a taku, “E aera ngkai ti a bon tekateka n tataningaa matera?

2.Rongorongo 26:21

Ao e rebera Utia ni kabane bongin maiuna. Ao e aki manga kariaiakaki b'a e na rin i nanon te Tembora ao n oin naba ana bareti. Ao bon anne bukina are e a maeka iai natina are Iotam ikekei man tautaeka i mwiina.

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

Nakoaia Ibonga 13:47

Ngkana arona b'a iai aorakin te kun i aon te kunnikai ae buraen te tiibu, ke te riinen,

Nakoaia Ibonga 14:3

ao e na kairiia nako te ibonga n tuoa i tinanikun te kaawa. Ao ngkana e a toki reberana,

Nakoaia Ibonga 23:29

N na kamaunaa ane e rawa ni karaoa te aki mamatam.

Ruka 17:12

Ao ngke E a kan rin n te kawa teuana, ao E kaitibo ma aomata aika tengaun aika rebera; ao a tei i kiraroa,

1.I-Korinto 5:5

ao kam na anga teuanne nakon Tatan i bukin uruakan rab'atana, b'a e aonga ni maiu tamneina n ana bong te UEA.

2.I-Tetaronike 3:14

ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.