Nakoaia Ibonga 13:45 - Te B'aib'ara

⁴⁵ E na riai ni b'ainna te aomata ae e iai i rouna aorakin te kun n te kunnikai ae e raeraeaki, ao e na aki koom'a irana, e na rabuna ubuna are mai nano, ao e na tatakarua ni kaangai, “I kam'araa! I kam'araa!”

Nakoaia Ibonga 13:45 ပူးပေါင်းရင်းမြစ်များ

Karikani B'aai 37:29

Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

2.Tamuera 13:19

Ao e raeuaa niiniirana Nei Tam'aa ao e kaaki te mannang i aon atuuna. Ao e karaba matana ni baina ao e tang n takaarua ngke e tabe n nakonako.

2.Uea 7:3

Ao ni bon te tai naba arei, ao iai aman m'aane aika a reebera aika a mena i tinanikun mataroan te kaawa are Taamaria. A taetae i bon irouia ao a taku, “E aera ngkai ti a bon tekateka n tataningaa matera?

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 51:3

B'a I atai arou aika buakaka, Ao e aki kona ni bua iangoan au bure.

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:22

Ao i mwiina, kam na karaoa naba te b'ai are I tia ni karaoia. Kam na aki kanakoi rabunan matami ao kam na rawa ni kana te am'arake are e kaakanaki irouia taan tanginiwenei.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Nakoaia Ibonga 13:44

ao e na riai ni katanoataa te ibonga b'a e kam'araa, i bukin aorakin te kun are i aon atuuna.

Nakoaia Ibonga 21:10

Ngkana te ibonga ngkoe, ao ko riai n aki katuka iran atum n aki komwiaki, ke tao n raeuai kunnikaim ni kaota nanokawakim i bukin te mate.

Mika 3:7

A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Warekaia Iteraera 5:2

b'a e na kaangai nakoia Iteraera, “Kam na kanakoa ana auti n rianna te aomata ae rebera, ao ane meira te buri, ke ane e a tia n riinga rab'atan te mate.

Ruka 17:12

Ao ngke E a kan rin n te kawa teuana, ao E kaitibo ma aomata aika tengaun aika rebera; ao a tei i kiraroa,

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”