Nakoaia Ibonga 13:25 - Te B'aib'ara

²⁵ e na tuoa te ibonga. Ngkana a tabe ni mainaina buraena ao e rikirake n nano nakon te kun are i tinanikuna, ao bon aorakin te kun ae e kakamaaku ae e moana maiuna n te bue, ao e na katanoataa te aomata anne te ibonga b'a e kam'araa.

Nakoaia Ibonga 13:25 ပူးပေါင်းရင်းမြစ်များ

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Te Otinako 4:6

Ao i mwiina, E a manga tuangaki Moote iroun te UEA ni kaangai, “Karina baim i nanon am kabaraaki.” Ao e ongotaeka Moote, ao ngke e a manga buuta baina ao e a mainaina n ai aron te tinoo, kanga te aomata ae e reebera.

Nakoaia Ibonga 13:24

I bukin te aomata ae e bue, ngkana e a mainaina te iriko ke e baauraura ni mainaina,

Nakoaia Ibonga 13:26

Ma ngkana a aki bitaki ni mainaina buraen te maneka ao e aki rikirake n nano nakon kunna are mai tinanikuna, ma e taraa ni beebete, ao e na tuangnga te ibonga b'a e na kaokoroa i nanon itiua te bong.

Nakoaia Ibonga 13:4

Ma ngkana e mainaina te maneka ao e aki taraa n tam'arake rikaaki nakon te kun are i tinanikuna, ao a aki mainaina naba buraen nanona, ao e na kaokoroa te aomata anne te ibonga i nanon itiua te bong.

Warekaia Iteraera 12:10

ao e mauna nako te nang mai aon te Um'antabunrianna, kunin Miriam e bitaki ni mainaina man rebera. Ao ngke e noora te b'ai ae riki nakon kunin neirei Aaron,