Nakoaia Ibonga 13:2 - Te B'aib'ara

² Ngkana iai te aomata ae iai te maneka i aon kunna ke te kaboa ke te baauraura ae na karikirakea tarakin kunna ae e kakamaaku, ao e na riai n nikiria iroun Aaron are te ibonga.

Nakoaia Ibonga 13:2 ပူးပေါင်းရင်းမြစ်များ

2.Tamuera 3:29

A bure iai Ioaba ma ana utu. Bon au tataro b'a a na taonaki n te aoraki ae te kaboa ana utu Ioaba n taai nako ao aorakin te kun ake tabeua. A na riki b'a aomata aika a kibiubiu, ao a na mate n te buaka ke te baki.”

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Itaia 3:17

Ma N na kaon atuuia Ngai ae te UEA n taiani kinaka, ao N na kaaki karabaan rab'ataia.

Nakoaia Ibonga 13:1

Ao te UEA e angan Moote ma Aaron tuua aikai.

Nakoaia Ibonga 13:3

E na karaua n tuoa te ibonga, ao ngkana e a tia ni bitaki ni mainaina buraena ao manekana e tabe n nano riki nakon te kun are i tinanikun te maneka, ao e na ataaki b'a bon aorakin te kun ae e kakamaaku, ao e na katanoataa te ibonga b'a te aomata anne e aki itiaki.

Nakoaia Ibonga 13:8

E na manga tuoa riki te ibonga, ao ngkana e a tia n raka nako, e na katanoataa te aomata anne b'a e aki itiaki; bon aorakin te kun ae e kakamaaku.

Nakoaia Ibonga 14:3

ao e na kairiia nako te ibonga n tuoa i tinanikun te kaawa. Ao ngkana e a toki reberana,

Nakoaia Ibonga 14:35

Ngkana e kunea te aomata temanna b'a E karokoa te rebera te UEA n ana auti, ao e na riai n nako n tuanga te ibonga taekan te rebera anne.

Nakoaia Ibonga 14:56

ke aorakin te kunnikai ke te auti.

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Warekaia Iteraera 12:10

ao e mauna nako te nang mai aon te Um'antabunrianna, kunin Miriam e bitaki ni mainaina man rebera. Ao ngke e noora te b'ai ae riki nakon kunin neirei Aaron,

Warekaia Iteraera 12:12

Ko na aki kakuonakoa kunin Nei Miriam n ai aron te ataei ae e a bung naba ni mate!”

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 1:44

Ao E taku, “Tarataraiko b'a ko na aki tuanga temanna; ma naako moa, kaotiko nakon te ibonga, ao anga baike e tua Moote b'a b'aini kaitiakam, b'a te b'ai ni kakoaua nakoia aomata.”

Ruka 17:14

Ngke E noriia ao E taku nako ia, “Kam na nako ni kaotingkami nakoia ibonga.” Ao ngke a tabe n nako ao a kaitiakaki.

Ruka 5:14

Ao E kamatoa ana taeka nako ina b'a e na aki tuanga temanna; ao E taku, “Ko na nako ni kaotiko nakon te ibonga, ao anga te karea i bukini kaitiakam n ai aron are e tua Moote, b'a te b'ai ni kakoaua nakoia aomata.”

Te Tua-Kaua 24:8

I a tia n tuangiia ibonga te b'ai ae a na karaoia ngkana e reke temanna mai buakomi n te rebera, ma ngaia are, kam na karaoi b'aai ni kabane akana tuangingkami.

Te Tua-Kaua 28:27

E na kamarakingkami te UEA n te aoraki ae na kariki taian maneka aika manamana mataia ke te b'ai ae e iku n tabwenabwena i aon te kun ke taian kaboa n aron ake a bon riiriki i Aikubita. Ao bon akea b'ainaorakimi ae na reke.