Nakoaia Ibonga 12:8 - Te B'aib'ara

⁸ Ngkana arona b'a e aki kona ni karekea te tiibuteteei te aine, ao e kona ni uoti uoman te taobe ke uoman te bitin, temanna i bukin te karea ni kabuokaki ao are temanna i bukin te karea ni kab'arabure, ao e na karaoa te m'akuri n angakarea te ibonga i bukin kaitiakan te aine anne man kam'araana, ao e na itiaki iai.

Nakoaia Ibonga 12:8 ပူးပေါင်းရင်းမြစ်များ

Nakoaia Ibonga 1:14

Ao ngkana e anga te mannikiba te aomata b'a ana karea ni kabuokaki, ao e na riai n anga te taobe b'a ana karea.

Nakoaia Ibonga 12:7

Ao te ibonga, e na anga ana karea te aine anne nakon te UEA, ma ni karaoa te angakarea i bukin kaitiakan te aine anne. Ao bon aei te b'ai ae e riai ni karaoia te aine i mwiin bungina.

Nakoaia Ibonga 13:1

Ao te UEA e angan Moote ma Aaron tuua aikai.

Nakoaia Ibonga 14:21

Ngkana e rangi ni maiu ni kainano te aomata n te aro are e aki kona ni kareke b'aai aikai, ao e kona ni uota temanna te tiibuteteei ae te m'aane i bukin kaitiakana b'a ana karea ni kabomwi, are te b'ai n tangira nakon te UEA i bukin te ibonga. E kona ni uota ti teuana te kirokuraem te buraawa are renganaki ma b'aan te oriwa i bukin te karea are te uita, ao kateni m'akoron te riita b'aan te oriwa.

Nakoaia Ibonga 14:22

E na uoti naba uoman te taobe, ao uoman naba te bitin, b'a temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 15:14

Ao te kawani bong e na anai uoman te taobe, ke uoman te bitin nako mataroan ana Um'antabunrianna te UEA, ao e na angan te ibonga.

Nakoaia Ibonga 15:15

Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki. Ao anne ngkanne arona ni karaoa te m'akuri ni kaitiaki i bukin te aomata anne.

Nakoaia Ibonga 15:29

N te kawanua ni bong e na anai uoman te taobe, ke uoman te bitin nako mataroan ana Um'antabunrianna te UEA.

Nakoaia Ibonga 4:26

Ao e na manga kabuoki taian nenea ni kabane i aon te baonikarea n ai aron naba kabuokan nenean te man are e tiringaki i bukin te karea n raoi. Ao anne ngkanne aron te ibonga n anga te karea i bukin kab'araan ana bure te tia tautaeka, ao e na kab'araaki iai ana bure.

Nakoaia Ibonga 5:11

Ngkana arona b'a e aki konaa te aomata ni karekei uoman taian taobe ke uoman taian bitin, ao e na riai ni uota teuana te kirokuraem te buraawa b'a te karea ni kab'ara bure. E na aki riai ni kaaki b'aan te oriwa teutana i aon te baonikarea ke teutana naba te b'ai ni kaboiarara are e kaakabubuaki, i bukina b'a te karea ni kab'arabure, ao tiaki te karea are te uita.

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Mataio 21:12

E rin Iesu i nanon te um'antabu, ao E kakioia nako ake a bob'ai ma ake a kabob'ai n te um'antabu; ao E karangai aia taibora taan rai m'ane, ma aia kai n tekateka taani kabo nako bitin.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.