Nakoaia Ibonga 12:6 - Te B'aib'ara

⁶ Ao ngkana a bane raoi ana bong ni kaitiaki, b'a tao mwiin bungiakin te nati te m'aane ke te nati te aine, ao e na uota te tiibuteteei ae teuana ana ririki ni maiu b'a ana karea ni kabuokaki, ao te bitin ke te taobe i bukin ana karea ni kab'arabure, ao e na angan te ibonga i mataroan ana Um'antabunrianna te UEA.

Nakoaia Ibonga 12:6 ပူးပေါင်းရင်းမြစ်များ

Karikani B'aai 15:9

Ao E taku, “Uota mai te kao aine, te kooti aine, ao te tiibu teteei te mm'aane, aika kaka tenua aia ririki ni maiu. Uota mai naba te rube ma te bitin.”

Nakoaia Ibonga 12:2

ao e na tiku ni kam'araa te aine i nanon itiua te bong, n ai aron are n ana tai naba n aoraki n aine.

Nakoaia Ibonga 12:5

Ao ngkana e bungia te nati te aine, ao e na tiku ni kam'araa te aine i nanon te bwi ma aua te bong i mwiin bungina, n ai aron naba are n ana tai n aoraki n aine. Ao i mwiin anne, ao e na manga tiku ni kaitiakia riki i nanon onobwi ma onoua te bong, ni kaitiakia raoi i mwiin nakon raraana.

Nakoaia Ibonga 12:7

Ao te ibonga, e na anga ana karea te aine anne nakon te UEA, ma ni karaoa te angakarea i bukin kaitiakan te aine anne. Ao bon aei te b'ai ae e riai ni karaoia te aine i mwiin bungina.

Nakoaia Ibonga 14:22

E na uoti naba uoman te taobe, ao uoman naba te bitin, b'a temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 15:14

Ao te kawani bong e na anai uoman te taobe, ke uoman te bitin nako mataroan ana Um'antabunrianna te UEA, ao e na angan te ibonga.

Nakoaia Ibonga 15:29

N te kawanua ni bong e na anai uoman te taobe, ke uoman te bitin nako mataroan ana Um'antabunrianna te UEA.

Warekaia Iteraera 6:10

Ao ko na uoti uoman te taobe ke uoman te bitin nakon te ibonga n te Um'antabunrianna n te bong are i mwiina.

Ruka 2:22

Ngke e a roko te tai are a riai iai Ioteb'a ma Nei Maria ni karaoa te anga karea i bukini kaitiakaia n ai aron taekana n ana tua Moote, ao a uota Iesu nako Ierutarem b'a a na kaotia i matan te Atua.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.