Nakoaia Ibonga 11:8 - Te B'aib'ara

⁸ Tai kang maan aikai, ao tai riingi naba rab'ataia ngkana a mate; a kam'araa.

Nakoaia Ibonga 11:8 ပူးပေါင်းရင်းမြစ်များ

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Nakoaia Ibonga 11:7

Tai kana te beeki. A na atongaki b'a a kam'araa; a aki nnai kanaia mai birotoia ni manga kanti, ma a manga ukin waeia.

Nakoaia Ibonga 11:9

Kam kona ni kang ika nako aika iai ingiia ma inaia,

Nakoaia Ibonga 5:2

Ngkana iai ane e riinga te b'ai ae kam'araa n tuan te taromauri, n aron te man ae e mate, e na kam'araa iai ao e bure iai n te tai naba are e namakina te b'ai are e a tia ni karaoia.

Mataio 15:11

Tiaki te b'ai ae rin nako nanon te wii ae kam'araea te aomata; ma te b'ai ae oti nako man te wii, boni ngaia ae kam'araea te aomata.”

Mataio 15:20

Baikai aika kam'araea te aomata; ma te am'arake ma baai aika aki tebokaki a bon aki kam'araea te aomata.

Mareko 7:15

Akea te b'ai ae rin nako nanon te aomata mai tinanikuna ae na kona ni kam'araea te aomata anne; ma b'aai aika oti nako mairoun te aomata, boni ngaai aika kam'araea.”

Mareko 7:18

Ao E taku nako ia, “Ao ngkami, kam aki ata naba nanona? Kam aki ataia b'a te b'ai ae rin nako nanon te aomata mai tinanikuna e aki kona ni kam'araea?

Mareko 7:2

A noriia tabem'aang i buakoia ana reirei Iesu b'a a am'arake ma baiia aika aki itiaki, b'a a tuai n teboki n ai aron are a tataneiai iai B'aritaio

M'akuri 10:28

E taku nakoia, “E ataaki iroumi b'a e aki riai n taekan te tua, b'a te aomata ae te I-Iutaia e na i raorao ma kaain te aba teuana, ke e na kawaria; ma E a tia te Atua ni kaotia nako iu b'a akea te aomata temanna ae N na atongnga b'a e aki itiaki ke e kam'ara.

M'akuri 15:29

kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

I-Rom 14:21

E raoiroi te aki kang iriko ma te aki moi wain, ma aki karaoan te b'ai teuana are e na riki b'a te b'ai ni kab'akab'aka nakon tarim.

1.I-Korinto 8:8

Ma akea aron te am'arake ae na karaoiroaki riki iai reitakira ma te Atua. Akea te bae ti na buakaka riki iai ngkana ti am'arake, ao akea naba te bae e na karaoiroira riki iai ngkana ti am'arake.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

I-Ebeto 5:7

Ma ngaia ae kam na tai reitaki ma ngaiia.

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.