Nakoaia Ibonga 10:17 - Te B'aib'ara

¹⁷ “E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

Nakoaia Ibonga 10:17 ပူးပေါင်းရင်းမြစ်များ

Te Otinako 28:38

b'a e aonga ni konaa ni katokaa i aon ram'ana. E kaotaki n aei b'a e na katokaa i aona aia bure nako Iteraera ake a tia ni karaoi n aia tai n anga b'aintangira nako Iu, ao N na kab'arai aia bure iai.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Nakoaia Ibonga 16:22

Ao n tokina te kooti e na uoti nako rawaawatan aia bure Iteraera ma ni kab'akai i kabin te rereua.

Nakoaia Ibonga 21:22

A kona ni kang taiani karea aika am'arake aika I anganaki,

Nakoaia Ibonga 22:16

Tai kam'araaia ni kanakin te am'arake ae e tabu aei. Uringnga b'a Boni Ngai te UEA are I katabui karea aikai.

Warekaia Iteraera 18:1

Ao E taku te UEA nakon Aaron, “Tabem ngkoe ma natim mm'aane ao kanoan Rewi ake tabeman ake man te kaainga are Koata, tararuaan b'aai aika riki n te Um'antabunrianna. Ao ngkoe ma natim mm'aane, tabemi tararuaan aia m'akuri ibonga.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.