Nakoaia Ibonga 10:11 - Te B'aib'ara

¹¹ Kam na riai n reireiniia Iteraera tuua ni kabane aika I a tia n anganingkami ri nanon Moote.”

Nakoaia Ibonga 10:11 ပူးပေါင်းရင်းမြစ်များ

2.Rongorongo 15:3

E rangi ni maan te tai ae a aki taataromauriia iai te Atua ni koaua Iteraera ke ni kakauongo nakoia taiani ibonga ake a konaa n reireiniia taekan te Atua. Ma a rawa n ongotaeka nakon ana tua te Atua.

2.Rongorongo 17:9

A uoti taian katoto n ana Tua te UEA n taabo nako ike a nako iai ma reireiniia aomata.

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Neemia 8:8

ao Beraia i buakoia aomata ni kab'arab'araa nanon te b'ai are e warekia Etira.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

Te Tua-Kaua 24:8

I a tia n tuangiia ibonga te b'ai ae a na karaoia ngkana e reke temanna mai buakomi n te rebera, ma ngaia are, kam na karaoi b'aai ni kabane akana tuangingkami.

Te Tua-Kaua 33:10

Kam reirei ana Tua te Atua nakoia Iteraera, ao kam anga taiani karea ao kam kabuoki taian b'ai ni kaboiarara n te tabo n taromauri.

1.I-Tetaronike 4:2

Kam bon atai taian tua ake ti anganingkami ake mairoun te Uea are Iesu.