Nakoaia Ibonga 10:10 - Te B'aib'ara

¹⁰ Kam na riai ni kaokoroi b'aai aika ana B'ai te Atua ma baika a kamanenaaki irouia aomata, b'aai aika b'ain te taromauri ao baika a kam'araa.

Nakoaia Ibonga 10:10 ပူးပေါင်းရင်းမြစ်များ

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Etekiera 22:26

A katinanikui au Tua ibongan Iteraera! A aki ti rawa ni karinei b'aai aika a tabu, ma a bon rawa naba n reireiniia aomata kaokoron b'aai aika a tabu ma b'aai aika a aki tabu, ke te kaokoro i marenan baika a itiaki ma baika a baareka. A karaoa Au Taabati b'a kaanga te bong n aki akaaka, ai ngaia are, a aki karineai naba iai ake bon oin Au aomata.

Etekiera 44:23

A na riai ibonga n reireiniia Au aomata ataakin kaokoron b'aai aika a tabu ma baika a aki tabu, ao kaokoron b'aai aika a itiaki ma b'aai aika a aki itiaki.

Nakoaia Ibonga 11:47

Ao aikai tuua ake a kona iai Iteraera ni kaokoroi maan aika a kam'araa ma maan aika a aki kam'araa, ao maan aika a riai ni kanaki ma maan aika aki riai ni kanaki.

Nakoaia Ibonga 13:43

E na riai n tuoa te ibonga, ao ngkana iai te maneka ae e mainaina ni baauraura,

Nakoaia Ibonga 14:57

Bon aikai tuua ake a kona n tuangko b'a e kam'araa te b'ai ke e raoiroi.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.