Nakoaia Ibonga 1:9 - Te B'aib'ara

⁹ E na bon kaitiaka kanoannanon, ma waen ana man te aomata, ao te ibonga e na kabuoka te karea ni kabane rab'atana i aon te baonikarea. E na rangi ni kakukureia te UEA te angakarea anne.

Nakoaia Ibonga 1:9 ပူးပေါင်းရင်းမြစ်များ

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

1.Rongorongo 6:34

Erekana, Ieroam, Eriera, Toa,

2.Rongorongo 4:6

E karaoi naba tebwina boora aika a uarereke ao e katikui nimaua n iteran te Tembora are maiaki ao nimaua n iteran te Tembora are meang. A kabonganaaki taiani boora ake a uarereke i bukin kaitiakan taiani man ake a kabuokaki b'a taiani karea i aon te baonikarea, ao e kabonganaa te ran te ibonga man te boora are e buubura i bukin kaitiakan baina.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Taian Areru 66:15

N na anganiko te tiibu b'a e na kabuokaki b'a te karea i aon te baonikarea; N na anga kaom'aane ma kooti b'a karea, ao a na waerake bubuia nakoim.

Te Otinako 12:9

Kam ma aki kang am'arake aika aki m'ai ke aika a kaburoaki, ma kam na kanna ngke umunaki ni kab'aninaki, n reitaki ma atuuna, rangana, ao kanoan nanona.

Te Otinako 29:18

Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.

Te Otinako 29:25

I mwiin aei, e na katukaki te iriko ni man ma te kariki i aon te baonikarea ma ni kawaerakea bubuna ma boina are N na kukurei iai.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 20:41

Ngkana I kaokingkami man taabo ake kam uamaae nako iai, N na rangi ni kukurei iroumi, n ai aron kukureiu ni boiararan bubun ami karea. A na bane n nooria botannaomata nako n aonnaba b'a I tabu,

Etekiera 40:38

Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 1:17

E na taui bain te mannikiba ni kauoua te aomata, ao e na katikia ni katabwena rab'atan te mannikiba, ma e na aki kounako bain te mannikiba. Ao i mwiina, e na kabuokia i aon te baonikarea. E bon rangi ni kakukureia te UEA boiararan te karea aei.

Nakoaia Ibonga 2:16

Ao e na anai tatabeuta man baikanne te ibonga ni ikotaki ma b'aan te oriwa, ao te b'ai ni kaboiarara are e kaakabubuaki ao e na kabuoki b'a am'arake aika taian karea nakon te UEA.

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Nakoaia Ibonga 2:9

Ao e na anai tatabeuta mai iai te ibonga b'a kaanga arina, are e na anganaki te UEA, ao e na kabuokia i aon te baonikarea. E na rangi ni kakukureia te UEA boiararan te am'arake aei are te karea.

Nakoaia Ibonga 3:11

Ao a na kabuoki baikai ni kabane ibonga i aon te baonikarea b'a te am'arake are te karea nakon te UEA.

Nakoaia Ibonga 3:5

A na kabuoki b'aai ni kabane aikai ibonga i aon te baonikarea, ni ikotaki ma te karea are kakukureiau. E rangi ni kakukureia te UEA boiararan te karea ae te am'arake aei.

Nakoaia Ibonga 4:31

Ao e na kanakoi taian nenea ni kabane, n ai aron naba kanakoakin nenean te man are tiringaki i bukin te karea n raoi, ao e na kabuokaki i aon te baonikarea b'a te karea ae boiarara nakon te UEA. Ao ai anne ngkanne aron te ibonga n anga te karea i bukin ana bure te aomata, ao e na kab'araaki ana bure.

Nakoaia Ibonga 6:14

Aikai tuua i bukin te karea are te uita. A na riai ni uota te karea are te uita ibonga ake kanoan Aaron nakon te UEA i matan te baonikarea.

Nakoaia Ibonga 8:21

Anne te karea ni kabuokaki are te karea are te am'arake, are e rangi ni kakukureia te UEA boiararana.

Nakoaia Ibonga 8:28

Ao i mwiina, e a manga anaa te am'arake Moote mairouia ni katokaa i aon te karea ni kabuokaki are i aon te baonikarea, ma ni kabuokia b'a te karea ni katabutabu. Bon anne te karea are te am'arake, ao e rangi ni kakukureia te UEA.

Nakoaia Ibonga 9:14

Ao i mwiina, e kaitiaki taiani kanoannano ao rangan te man ake mai buki ao e kabuoki i aon te baonikarea ni katokai i aon taiani karea ni kabuokaki ake tabeua.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 28:11

Kam na uoti nakon te baonikarea uoman kaomm'aane, ao temanna te tiibu mm'aane ae rangi n ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Kam na anga baikai b'a te karea are kakukureiau.

Warekaia Iteraera 28:7

Te kabanea, are raon karea aika uoua aikai, bon uoua te b'ainti te wain are na kab'aroaki i aon te baonikarea b'a te karea are te mooi.

Warekaia Iteraera 28:8

Ao e na kareanaki te tiibu mm'aane are te kauoman n te tairiki n ikotaki ma taian angab'ai ake tabeua, n ai aron are teuana are kareanaki n te ingabong anne. E na boni kakukureiai boiararan bubun karea aikai.

2.I-Korinto 2:15

I bukini Kristo ao ti a riki nakon te Atua b'a te boi ae boiarara, ae e kiakia nako boina i buakoia aika nang kamaiuaki, ao i buakoia naba aika nangi mate;

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

Te Tua-Kaua 12:27

Ngkana kam anga karea i bukin kakukureian te UEA, ao a na bane ni kabuokaki taian iriko i aon te baonikarea. Kam kona ni kang iriko n aekaki ni karea nako, ma kam riai ni katiinakoi raraaia maan i aon te baonikarea.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.