Nakoaia Ibonga 1:5 - Te B'aib'ara

⁵ E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 1:5 ပူးပေါင်းရင်းမြစ်များ

2.Rongorongo 35:11

Ao a tiring man kuoti kunin taian tiibu i bukin te Toa are te Riao kanoan Rewi, a anga teutana te raraa nakoia ibonga, ake a katimtim'a i aon te baonikarea.

Te Otinako 29:11

Tiringa te kaomm'aane i rarikin au baonikarea i matan te Um'antabunrianna.

Te Otinako 29:16

Tiringa te tiibu te mm'aane ao tatauriia raraana nakon iteran te baonikarea ake aua.

Te Otinako 40:6

Kaki te baonikarea are b'ain kabuokan taiani karea i matan te Um'antabunrianna.

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 43:18

E taku te UEA ae te Atua nako iu: Etekiera ae natin te aomata, ngkana e tia karaoan te baonikarea, ao e na manga katabuaki n anga te aba taiani karea i aona ao n tatauriaki aona n te raraa. Aio te b'ai ae ko na karaoia:

Nakoaia Ibonga 1:11

Ao e na tiringnga n tanimeangin te baonikarea, ao a na tatauriia koonan te baonikarea ake aua ibonga n te raraa.

Nakoaia Ibonga 1:15

Ao e na unora roroan te mannikiba arei te ibonga i aon kawaina ngke e uotia nakon te baonikarea, ao e na kabuoka atuun te mannikiba i aon te baonikarea. E na kawawaaea raraan te mannikiba nako rarikin te baonikarea.

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 17:11

A mena maiuia baika a maiu n te raraa. Ma ngaia are, E tua te UEA b'a a na kab'aroaki raraaia man aika kawakawa i aon te baonikarea b'a a na uotinako aia bure aomata. Te raraa bon te maiu, ao e uotinako aia bure aomata.

Nakoaia Ibonga 3:13

ao e na katokaa baina i aon atuun ana man ao e na tiringnga i matan te Um'antabunrianna. Ao a na tatauriia koonan te baonikarea ake aua ibonga n te raraa.

Nakoaia Ibonga 3:2

E na katokaa baina te aomata i aon atuun ana man are te karea, ao e na tiringnga i matan te UEA i mataroan ana Um'antabunrianna. Ao a na tatauriia koonan te baonikarea ake aua ibonga ake natin Aaron n te raraa,

Nakoaia Ibonga 3:8

ao e na katokaa baina i atuun ana karea, ao e na tiringnga i matan te Um'antabunrianna. Ao a na tatauriia rarikin te baonikarea ake aua ibonga n te raraa,

Nakoaia Ibonga 4:29

E na katokai baina i aon atuun ana man, ao e na tiringnga i tanimeangin te baonikarea, n te tabo are a titiringaki iai maan i bukin te karea n ni kabuokaki.

Nakoaia Ibonga 4:33

E na katokaa baina i aon atuuna ao e na tiringnga i tanimeangin te baonikarea, n te tabo are a titiringaki iai maan i bukin te karea ni kabuokaki.

Nakoaia Ibonga 4:7

Ao i mwiina, e na kararaaea koron koonan te baonikarea are i bukin karea aika boiarara, are i nanon te Um'antabunrianna. E na kabanea ni kab'aroa nikiran te raraa i oin te baonikarea are i mataroan te Um'antabunrianna.

Mika 6:6

Tera uotau nakon te UEA ae Atuan karawa, ngkana I roko n taromauriia? E koaua b'a N na uotii kao ataei ma ni kabuokii b'a taiani karea nakoina?

Warekaia Iteraera 18:17

Ma e ngae n anne, ao bon au b'ai ni kabane taiani karimoa i rouia taiani kao, tiibu, ao kooti; a aki kona ni manga kaboaki ni kaokaki. E na tatauriaki te baonikarea n raraaia, ao a na kabuokaki neneaia b'a a na aetorake bubuia b'a I aonga ni kukurei.

Ebera 10:11

Ao a bane ibonga n tei n te bong ae koraki ni karaoi nakoaia ma n okioki n anga karea aika ai uaia nako naba, aika bon aki kona ni kamaunai buure.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Tamuera 1:25

Ao a anga te kaom'aane b'a aia karea Nei Anna ma Erekana, ao i mwiina, a anga te ataei ni m'aane nakon Eri.