Nakoaia Ibonga 1:3 - Te B'aib'ara

³ Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 1:3 ပူးပေါင်းရင်းမြစ်များ

Karikani B'aai 22:13

Ao e taratara nako Aberaam, ao e noora te tiibu te teei ae bae korona n taiani m'aanga ni kai. E nako n anaia, ao e anga b'a ana karea ni kabuokaki n onea mwiin natina te mm'aane.

Karikani B'aai 22:2

Ao E taku te Atua, “Ko na anaa natim te mm'aane ae te rikitemanna ae ko rangi n tangiria are Itaaka, ao naako nakon te aba are Moria. Ao ko na anga b'a am karea nako iu i aon te maunga ae N na kaotia nakoim.”

Karikani B'aai 22:8

Ao e taku Aberaam, “E na boni katauraoa temanna te Atua i bukira.” Ao a uaia n airi n nakonako.

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

2.Rongorongo 29:32

Itingaun taiani kao, tebubua taiani tiibu m'aane, ao uabubua taian tiibu teteei ake a uotaki b'a taian karea i bukin bubutian te UEA;

2.Rongorongo 35:12

A kaokoroi m'akoron te man tabeua kanoan Rewi ake a kainanoi taan taromauri i bukin te karea are kakukureian te UEA, n aron are e tangiraki n ana tua Moote. A karaoa naba ae aron arei nakoia taiani kao.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Te Otinako 12:5

Ko na rinea te tiibu ke te kooti, ko na anaa ae teuana ana ririki ni maiu ae te mm'aane ae akea toabuakan rab'atana.

Te Otinako 24:5

E bon kanakoia naba tabeman rorobuaka b'a a na kabuoka te angab'ai ao te karea are te kaomm'aane b'a te raka n angab'ai nakon te UEA.

Te Otinako 29:18

Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Te Otinako 29:42

Kam riai n angaanga te karea aei n taai nako ngkoe ma am kariki

Te Otinako 32:6

Ao a uti m'aaka aomata n te ingabong are i mwiina ao a tiringi tabeman taiani man ake a na kamanenaaki i bukin te karea ao tabeman i bukin te am'arake. Ao i mwiina, a bane n am'arake aomata ma ni mooi ni katibutauaia ao ni kakoroia n te aro are a riki b'a kaanga maan aika aki manana.

Te Otinako 35:21

Ao i mwiin arei, a roko koraki ake a tangiria n anga aia b'aintangira nakon te UEA, ao a uoti b'a a na kamanenaaki i bukin te Um'antabunrianna, taian taromauri, ao kunnikaia ibonga.

Te Otinako 35:29

Ao e a tia Moote n tuangiia aomata te b'ai are E tangiriia te UEA b'a a na karaoia, ao angiia mai buakoia a baaireia b'a a na uoti aia b'aintangira.

Te Otinako 35:5

N na butim'aai taian angab'ai mairouia aomata nako akana a tangiria n anga te b'ai teuana. Kam konaa n uoti mai taiani koora, tirewa, ke te buraonti;

Te Otinako 36:3

ao e anganiia te m'ane ake a tia n anga aomata i bukin karaoan te tabo n taromauri. Ni koauana, a bon tia n anga aomata te m'aiti ni m'ane ae e rangi ni m'aiti ni katoa ingabong,

Te Otinako 38:1

Ao e karaoa te baonikarea Betarera man te kai ae te aketia i bukin te angakarea. Ao buburana bon uoua te miita raababana ma ab'akina ae tenua te miita rietana

Itaia 1:11

“Bon akea nanon ami karea nako iu I a aoraki n ami karea aika taian tiibu ao taiani kao aika a rineaki; I aki tangira raraaia taiani kao ke taian tiibu ke taiani kooti.”

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 40:39

Bon iai taibora aika aua, uoua n iteran te ruu teuana. Bon te taibora aei are a titiringaki iai maan ake a na kareanaki, b'a te karea are kakukureian te UEA ke te karea i bukin kaetan b'aai.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 16:7

Ao i mwiina, e na uoti kooti akana uoman akanne nakon mataroan ana Um'antabunrianna te UEA ike E mena iai.

Nakoaia Ibonga 17:4

e na atongaki b'a e bure ni katutuua te raraa, ao e na kararoaaki mai buakoia ana aomata, ao n aki aranaki b'a ana Aomata te Atua b'a kioina ngke e aki tiringa ana karea i mataroan te Um'antabunrianna.

Nakoaia Ibonga 17:8

Ngkana iai te I-Iteraera ke te iruwa i nanon te maeka ae e anga ana karea ni kabuokaki, ke te aeka ni karea riki teuana

Nakoaia Ibonga 17:9

nakon te UEA, ao e aki anga i mataroan te Um'antabunrianna, e na aki aranaki b'a ana aomata te Atua.

Nakoaia Ibonga 23:12

Kam riai n anga te karea ni kakukureiai. Ma ngaia are, angan te ibonga te tiibuteteei ae ai tib'a teuana ana ririki ae akea naba nukana,

Nakoaia Ibonga 23:18

N te tai naba aei, ao Iteraera a na riai n uoti itiman te tiibu teteei aika ai tib'a kaka teuana aia ririki, temanna te kao te teei ae te m'aane, ao uoman tiibu aine. Man aika kawakawa aikai a riai n akea nukaia, ao a riai ni kareanaki b'a karea ni kabuokaki nakon te UEA, n raonaki ma karea ake a uangingi, ao te karea are te mooi te wain.

Nakoaia Ibonga 3:1

Ngkana iai ane e anga temanna ana man mai buakon ana nanai ni kao b'a te Karea n Raoi, ao e na riai n anga te kao m'aane ke te kao aine ae akea toabuakan rab'atana.

Nakoaia Ibonga 4:15

A na katokai baiia taan kairiiri man te bootaki n Iteraera i aon atuun te man arei, ao e na tiringaki ikekei.

Nakoaia Ibonga 4:23

ao e n a riai ni waekoa ni uota te kooti m'aane ae akea toabuakan rab'atana b'a ana karea.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 4:32

Ngkana e uota ana tiibu te aomata b'a ana karea ni kab'arabure, ao e na riai n anaa ana man te aine ae akea toabuakan rab'atana.

Nakoaia Ibonga 5:15

Ngkana iai ane e bure n tiaki nanona b'a e aki kab'aka boon te b'ai are tabu i bukin te UEA, ao e na riai ni uota ana karea are te kabomwi nakon te UEA ae te tiibu m'aane, ke kooti aika akea toabuakan rab'ataia. E na baaireaki kanoana ni kaineti ma te baaire ae e b'ainaki n te Tembora.

Nakoaia Ibonga 5:18

E na riai ni uoti tiibu m'aane ke kooti aika akea toabuakan rab'ataia nakon te ibonga b'a ana karea are te kabomwi. E na katautauaki m'aitin boona ni kaineti ma te babaaire ae e b'ainaki n te Tembora. E na riai te ibonga n anga te karea i bukin te bure are e karaoia te m'aane arei n tiaki nanona, ao e na kab'araaki ana bure iai.

Nakoaia Ibonga 6:2

Ngkana iai ane e rawa ni kaoka ana b'ai raona are bon riai n anganna, ke e kimoaia, ke e m'am'anaa raona iai, ke e kewe n te b'ai are e bua b'a aongkoa e tuai reke i rouna, ao e bure iai nakon te UEA,

Nakoaia Ibonga 6:8

Ao te UEA e mwiokoa Moote,

Nakoaia Ibonga 7:16

Ngkana arona b'a e roko te aomata ma te karea n raoi b'a kakoroan nanon ana taeka ni bau, ke bon oin ana karea n anganano, a na aki kanaki ni kabane n te bong are e karaoaki iai te angakarea, ma ngkana iai nikirana a na manga kanaki nakon te bong are i mwiina.

Nakoaia Ibonga 8:18

Ao i mwiina, e a manga anaa te tiibu m'aane Moote i bukin te karea ni kabuokaki, ao a katokai baiia Aaron ma natina m'aane i aon atuuna.

Nakoaia Ibonga 8:21

Anne te karea ni kabuokaki are te karea are te am'arake, are e rangi ni kakukureia te UEA boiararana.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 15:8

Ngkana e kareanaki te kaomm'aane b'a te karea are kakukureiau, ke i bukin butiakiu Au kakab'aia,

Warekaia Iteraera 19:2

A na riai ni uoti kao aika uraura ni buraun Iteraera nakoni Moote. Taiani kao aika akea toabuakan rab'ataia, aika a tuai ni kamanenaaki ni kamarauan te tano.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Warekaia Iteraera 23:27

Ao e taku B'araka nakoni B'araam “Nako mai ti na kataa riki te tabo teuana. E na mena ngkoa, ao E na kariaia te UEA b'a ko na katekebuakaia Iteraera man te tabo arei.”

Warekaia Iteraera 23:3

Ao e taku B'araam, “Taningaai ikai i rarikin am karea aikai b'a N na kaokoroai moa n te tabo teuana, b'a E na kaoti te UEA nako iu. Ngkana E kaoti, ao n na tuangko b'aai ni kabane aika E taekin.” Ao e a nako.

Warekaia Iteraera 23:30

Ao ngke e a tia B'araka ni karaoi baike e tuangaki iroun B'araam ao e a kareana temanna te kaomm'aane, ao temanna te tiibu mm'aane i aon taiani baonikarea n tatabeua nako.

Warekaia Iteraera 28:11

Kam na uoti nakon te baonikarea uoman kaomm'aane, ao temanna te tiibu mm'aane ae rangi n ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Kam na anga baikai b'a te karea are kakukureiau.

Warekaia Iteraera 28:19

Kam na uoti nakon te baonikarea uoman taiani kao mm'aane, temanna te tiibu mm'aane ae e ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Ao i mwiina, kam na anga baikai b'a taiani karea ake kakukureiau.

Warekaia Iteraera 28:31

A na riai n akea toabuakan rab'ataia maan, ao a na kaairaki ni kareanaki ma te karea are karean te bong koraki.

Warekaia Iteraera 29:13

Kam na motirawa man ami m'akuri ni moanibongina, ao kam na bootaki n taromauri. Uoti tengaun ma teniman kaomm'aane nakon te baonikarea, uoman tiibu mm'aane aika a ikawai, 14 tiibu mm'aane aika teuana aia ririki ni maiu, aika akea toabuakan rab'ataia. Ao kam na anga baikai b'a te karea are kakukureiau.

Warekaia Iteraera 29:2

Kam na uota temanna te kaomm'aane nakon te baonikarea, ao temanna te tiibu mm'aane ae i ikawai, itiman tiibu mm'aane aika kaka teuana aia ririki ni maiu aika akea toabuakan rab'ataia. Ao kam na anga b'a karea ake kakukureiau.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ioane 1:36

ao e tarataraa Iesu ngke E nakonako, ao E taku, “Nora ana Tiibuteteei te Atua!”

Ioane 10:7

Ma ngaia are, E a manga taku Iesu nakoia, “Bon te koaua ae I a tuangngkami b'a Ngai aia mataroa ni koaua tiibu.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

Te Tua-Kaua 12:27

Ngkana kam anga karea i bukin kakukureian te UEA, ao a na bane ni kabuokaki taian iriko i aon te baonikarea. Kam kona ni kang iriko n aekaki ni karea nako, ma kam riai ni katiinakoi raraaia maan i aon te baonikarea.

Te Tua-Kaua 15:21

Ma ngkana e m'auku, ke e matakii, ke iai toabuakan b'ain rab'atana teuana, ao kam na aki kareanna nakon te UEA ae Atuami.

Te Tua-Kaua 17:1

Ngkana iai nakobuakan rab'atan te kao, ke te tiibu, kam na aki anga b'a ami karea nakon te UEA ae Atuami. E na bon aki kukurei nanona iai.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!