Nakoaia Ibonga 1:17 - Te B'aib'ara

¹⁷ E na taui bain te mannikiba ni kauoua te aomata, ao e na katikia ni katabwena rab'atan te mannikiba, ma e na aki kounako bain te mannikiba. Ao i mwiina, e na kabuokia i aon te baonikarea. E bon rangi ni kakukureia te UEA boiararan te karea aei.

Nakoaia Ibonga 1:17 ပူးပေါင်းရင်းမြစ်များ

Karikani B'aai 15:10

Ao e uoti maan aika kawakawa akekei Aberam nakon te Atua. E korouai ni kakauaiterai mai nukaia, ao e kawenei ni kakaitarai iteraia n tatabemaniia nako ni karinaniia raoi, ma e aki korouai taiani mannikiba.

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Nakoaia Ibonga 3:5

A na kabuoki b'aai ni kabane aikai ibonga i aon te baonikarea, ni ikotaki ma te karea are kakukureiau. E rangi ni kakukureia te UEA boiararan te karea ae te am'arake aei.

Nakoaia Ibonga 5:8

E na uoti nakon te ibonga, are e na moan anga te mannikiba i bukin te karea ni kab'arabure. E na otea roroana, ma e na aki buuta roroana

Nakoaia Ibonga 6:14

Aikai tuua i bukin te karea are te uita. A na riai ni uota te karea are te uita ibonga ake kanoan Aaron nakon te UEA i matan te baonikarea.

Nakoaia Ibonga 8:21

Anne te karea ni kabuokaki are te karea are te am'arake, are e rangi ni kakukureia te UEA boiararana.

Nakoaia Ibonga 9:13

A manga anganna m'akoron atuun te man are teuana, ao e kabuoki i aon te baonikarea.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 28:8

Ao e na kareanaki te tiibu mm'aane are te kauoman n te tairiki n ikotaki ma taian angab'ai ake tabeua, n ai aron are teuana are kareanaki n te ingabong anne. E na boni kakukureiai boiararan bubun karea aikai.

Mataio 27:50

Ao E a manga takarua naba Iesu n te b'ana ae korakora, ao E anga tamneina.

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;