Nakoaia Ibonga 1:14 - Te B'aib'ara

¹⁴ Ao ngkana e anga te mannikiba te aomata b'a ana karea ni kabuokaki, ao e na riai n anga te taobe b'a ana karea.

Nakoaia Ibonga 1:14 ပူးပေါင်းရင်းမြစ်များ

Karikani B'aai 15:9

Ao E taku, “Uota mai te kao aine, te kooti aine, ao te tiibu teteei te mm'aane, aika kaka tenua aia ririki ni maiu. Uota mai naba te rube ma te bitin.”

Nakoaia Ibonga 12:8

Ngkana arona b'a e aki kona ni karekea te tiibuteteei te aine, ao e kona ni uoti uoman te taobe ke uoman te bitin, temanna i bukin te karea ni kabuokaki ao are temanna i bukin te karea ni kab'arabure, ao e na karaoa te m'akuri n angakarea te ibonga i bukin kaitiakan te aine anne man kam'araana, ao e na itiaki iai.

Nakoaia Ibonga 5:10

Ao i mwiina, e na anga te kateniman ni mannikiba b'a te karea ni kabuokaki, ni kaineti ma taiani kaetieti. E na anga te karea te ibonga n te aro aei i bukin ana bure te m'aane anne, ao a na kab'araaki ana bure.

Nakoaia Ibonga 5:11

Ngkana arona b'a e aki konaa te aomata ni karekei uoman taian taobe ke uoman taian bitin, ao e na riai ni uota teuana te kirokuraem te buraawa b'a te karea ni kab'ara bure. E na aki riai ni kaaki b'aan te oriwa teutana i aon te baonikarea ke teutana naba te b'ai ni kaboiarara are e kaakabubuaki, i bukina b'a te karea ni kab'arabure, ao tiaki te karea are te uita.

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Mataio 11:29

Amoa amou i aomi, ao reirei i Rou: b'a I nimamannei ao I nanorinano, ao e na reke i roumi karauan nanomi ni koaua.

Mataio 21:12

E rin Iesu i nanon te um'antabu, ao E kakioia nako ake a bob'ai ma ake a kabob'ai n te um'antabu; ao E karangai aia taibora taan rai m'ane, ma aia kai n tekateka taani kabo nako bitin.

Ruka 2:24

Ao b'a a na anga te karea n ai aron taekana n ana tua te Uea, are e kangai: Uoman te taobe ke uoman te bitin aika ataei.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.