Nakoaia Ibonga 1:10 - Te B'aib'ara

¹⁰ Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:10 ပူးပေါင်းရင်းမြစ်များ

Karikani B'aai 4:4

Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

Te Otinako 12:5

Ko na rinea te tiibu ke te kooti, ko na anaa ae teuana ana ririki ni maiu ae te mm'aane ae akea toabuakan rab'atana.

Etekiera 43:22

N te bong are i mwiina, e na kareanaki te kooti ae akea buakakan rab'atana b'a te karea i bukin te bure. Ko na kaitiaka te baonikarea n raraana, n aron are ko karaoia naba n raraan te kaom'aane.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 16:3

Ko na riai n anga te kaom'aane b'a te karea i bukin am bure nako ao te tiibu m'aane i bukin te karea are kakukureiau ngkana ko na rin te tabo are Moan te Tabu aei.”

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Nakoaia Ibonga 22:19

e na riai te karea aei n akea buakakan ke toabuakan rab'atana, n te aro b'a e aonga ni butim'aeaki.

Nakoaia Ibonga 23:12

Kam riai n anga te karea ni kakukureiai. Ma ngaia are, angan te ibonga te tiibuteteei ae ai tib'a teuana ana ririki ae akea naba nukana,

Nakoaia Ibonga 3:1

Ngkana iai ane e anga temanna ana man mai buakon ana nanai ni kao b'a te Karea n Raoi, ao e na riai n anga te kao m'aane ke te kao aine ae akea toabuakan rab'atana.

Nakoaia Ibonga 4:23

ao e n a riai ni waekoa ni uota te kooti m'aane ae akea toabuakan rab'atana b'a ana karea.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 5:15

Ngkana iai ane e bure n tiaki nanona b'a e aki kab'aka boon te b'ai are tabu i bukin te UEA, ao e na riai ni uota ana karea are te kabomwi nakon te UEA ae te tiibu m'aane, ke kooti aika akea toabuakan rab'ataia. E na baaireaki kanoana ni kaineti ma te baaire ae e b'ainaki n te Tembora.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Warekaia Iteraera 15:5

Ao e na kab'aroaki naba teuana te riita te wain i aon te baonikarea.

Warekaia Iteraera 19:2

A na riai ni uoti kao aika uraura ni buraun Iteraera nakoni Moote. Taiani kao aika akea toabuakan rab'ataia, aika a tuai ni kamanenaaki ni kamarauan te tano.

Warekaia Iteraera 6:14

ao ko na anga teniman te man aika akea toabuakan rab'ataia. Ko na anga te tiibuteteei ae teuana ana ririki ni maiu i bukin te karea are kakukureiau, ao te tiibu te teei ae te aine i bukin te bure, ao te tiibu te teei ae e a ikawai b'a te karea i bukin bubutiakiu au kakab'aia.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

1.Betero 1:19

ma kam kainaomataki n te raraa ae kakawaki ae raraani Kristo, are kanga ai aron te tiibuteteei ae akea buakakana ao akea baarekana.