Mika 7:9 - Te B'aib'ara

⁹ Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Mika 7:9 ပူးပေါင်းရင်းမြစ်များ

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 35:14

Iobi, ko taekinna b'a ko aki kona n noora te Atua, ma tataninga ma te rau-ane E na rinanoi am kangaanga.

Taian Areru 119:154

Buokai n taetae i buku, ao kainaomataai; Kamaiuai n ai aron am Taeka.

Taian Areru 37:6

E na kaota raoi koauan ae akea am bure, kanga ai aron itiakin ootan taai n te tawanou.

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 94:15

E na manga noraki te kaetitaeka ae e raoiroi ni b'ainaki n te kabowi, Ao e na boutokaki irouia aomata akana raoiroi.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Ieremia 10:19

Ao a kaeka aomata ni kaangai, “Ti a ikoaki ao ti nang mate. E aera ngkai ti taekinna b'a ti aki konaa ni kaitaraa te maraki?

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Ieremia 51:10

A taku Iteraera, Tuangiia kaain Tion ni kabane! E a tia te UEA n irantaanga i bukin te b'ai are e karaoia B'aburon nakoira.”

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

1.Tamuera 24:15

E na motikitaeka te UEA, ao e na kakaaea b'a antai mairoura ae e bure, Tera ngke e bon taraa te b'ai ae e riki, E na tei ibuku, ao E na kamaiuai mairoum.”

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.

1.Tamuera 26:10

Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.

1.Tamuera 3:18

Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”