Mika 7:1 - Te B'aib'ara

¹ E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Mika 7:1 ပူးပေါင်းရင်းမြစ်များ

Taian Areru 120:5

Ma N na maeka n iruwa, n ai aroia aomatan Meteka, ao n aia kaemb'a kaaini Keta.

Taeka n Rabakau 20:6

A m'aiti aika a kaangai, “Kam konaa n onimakinai!” Ma a boni konaa n onimakinaki?

Itaia 17:6

Iteraera kaanga te kai ae te oriwa ae e oreaki n te kai, ae e nikirana ti uoua ke tenua nikiran uaana ke tao ti aua ke nimaua aika a rangi ni rietaata ke ni m'aangana ake a rangi ni uaa. E a tia ni berita b'a e na bon koro bukin aei te UEA ae Atuan Iteraera.

Itaia 24:13

A na taekaki nako botannaomata kaanga taian kai aika oriwa ke nne n aroka ni kureebe i mwiin te bong n tai.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 28:4

E na waekoa ni mauna mimitongin Taamaria are i etan te m'arua are e maiu aona. E na kanaki nako kaanga moan uan te biiku ae e tai n tain te tai.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Ieremia 15:10

Tera ngke I aki bungiaki! I aki toki n reke n te kangaanga ma kaain Iuta ni kabane. I aki taatangoa te m'ane ke n taarau. ma a bane ni kamaraiaai aomata nako n te aro ae ti te arona.

Ieremia 24:2

E onrake te b'aene are teuana n taian biiku aika a rangi n raoiroi aika a kaman tawaa, ao te b'aene are teuana e onrake n taian biiku aika a buakaka aika a aki tau n te kanaki.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 45:3

Kam tanginiwenei ao kam bukinai, Ngai ae te UEA, i bukin ami kangaanga ao rawawatami, ao i bukina naba ngkai kam a rangi ni kua b'a e tuai man reke motirawami.

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Warekaia Iteraera 18:13

Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.