Mika 6:4 - Te B'aib'ara

⁴ I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Mika 6:4 ပူးပေါင်းရင်းမြစ်များ

2.Tamuera 7:23

Bon akea riki te botannaomata n te aonnaba ae ti te bo ma Iteraera, te botannaomata are Ko kamaiua man te tautoronaki i Aikubita b'a a na riki b'a oin Am b'ai. Ko moanna n ataaki ni karaoan kakai aika a kamimii ngkana Ko kairoroia botannaomata ma antiia b'a a na kiitana abam, b'a a aonga ni konaa ni maeka ikai Am aomata.

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 3:10

Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

Te Otinako 4:10

Ao e kaeka Moote ni kaangai, “I bon aki tau n taetae. I tuai man riki b'a te tia taetae i m'aain ae ko taetae nako iu, ao I tuai naba ngkai. I wiiremwe n taetae, ao I aki konaa n iangoa te b'ai ae N na taekinna.”

Te Otinako 4:16

E na riki b'a am tia taetae ao e na taetae nako ia aomata i bukim. Ao i mwiina, ko na riki b'a kaanga te Atua, ae e ti tutuangnga te b'ai are e na taekinna.

Te Otinako 6:27

ma ngaia are, a tuanga uean Aikubita b'a e na kainaomataia Iteraera.

Ieremia 32:21

Ko kakamaakuia kaain Aikubita n am kakai, ao Ko arora baim ae e korakora ni kamaiuia Am aomata aika Iteraera mai Aikubita.

Amota 2:10

I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.

Warekaia Iteraera 12:1

E ngae ngke bon te aomata ae rangi n nanorinano Moote nakoia aomata ni kabane n te aonnaba, Miriam ma Aaron a moanna ni ngurengureakinna,

Warekaia Iteraera 33:1

Ngke a m'ananga Iteraera i aan ana kairiri Moote ma Aaron,

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Te Tua-Kaua 24:18

Bon tooro ngkoa ngkami ngke kam mena i Aikubita ni karokoa E kamaiungkami te UEA ae Atuami. Ao bon aei bukina ngkai I anganingkami iai tuua aikai.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 5:6

Bon te UEA Ngai ae Atuami, are E kaotinakoingkami mai Aikubita are kam toronaki iai ngkoa.

Te Tua-Kaua 7:8

ma E a tia n rineingkami i bukina b'a E tangiringkami, ao i bukina naba b'a E a tia ni berita nakoia ami bakatibu. Ao i mwiina, E a manga kamaiungkami ni baina ae korakora mai Aikubita, are a karaoingkami b'a aia toro.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.

1.Tamuera 12:6

Ao e taku Tamuera nakoia: E kaotinakoia ami bakatibu te UEA mai Aikubita ao E rinea Moote ma Aaron b'a taani kairiiri.