Mika 6:15 - Te B'aib'ara

¹⁵ Ko na unika te uita, ma ko na bon aki taiia uaana. Ko na ongira te b'aa man te oriwa, ma ko na bon aki kamanenaa. Ko na karaoa te wain, ma ko na bon aki mooi iai.

Mika 6:15 ပူးပေါင်းရင်းမြစ်များ

Iobi 31:8

ao ke e kamaunaaki arokau, ke ni kanaki uaan arokau i rouia tabem'aang.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Ab'akuka 3:17

E ngae ngke akea uaan te biku ao akea uaan te kureebe e ngae ngke akea uaan te Oriwa, ao akea naba uitan te tawaana e ngae ngke a bane ni mate tiibu ao akea naba kaao i nanon nneia.

Teb'ania 1:13

Ana kurib'aiaki kaub'aia, ao ana uruakaki mwengaia, ana bon aki kona ni maeka ni mwengaia aika a karaoi, ke n nim aia wain mani nnen arokaia kureebe.”

Akai 1:6

E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Ioane 4:37

B'a e koaua n aei te taeka are kaangai, ‘E ununiki temanna, ao temanna e bobooti uaa nakoni neia ngkana a tai.’

Tani Motiki-taeka 6:4

A roko i aon aia kaamero, ma ni katei aia autinrianna, ao a kam'arakeia aia man n arokaia Iteraera maikanne ni karokoa te kaawa are Kaata. A iraei taian am'arake kaain Miiria, n reitaki ma taian tiibu, taiani kao, ao taian aati. A aki kona ni warekaki m'aitiia b'a kaanga ai aroia taian taanga n rookati, A tiringi arokan aaba ake a mena i m'aain kawaia.