Mika 4:10 - Te B'aib'ara

¹⁰ Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Mika 4:10 ပူးပေါင်းရင်းမြစ်များ

2.Uea 20:18

A na uotaki nako naba ake bon oin natim m'aane, ao a na kab'ainrangaki ma ni karaoaki b'a taani m'akuri n ana bareti te uea.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 36:20

A uotiia nako koraki ake taian nikira ni maiu nako B'aburon b'a aia taenikai, ike a riki b'a ana toro te uea ma natina m'aane, ni karokoa te tai are e rikirake iai Botia b'a te botannaomata ae e korakora.

2.Rongorongo 36:23

E kaangai te rongorongo arei: Boni Ngai Tairati ae uean Botia. E a tia te UEA ae Atuani karawa ni karikai b'a n na tautaeka i aoia botannaomata ni kabane n te aonnaba. E a tia n rineai b'a n na karaoa te Tembora i bukina i Ierutarem, i Iuta. E na tarataraia ana aomata ni kabane te UEA ae te Atua akana a tangiria n oki nako Iuta.

Taian Areru 106:10

E kamaiuia mairouia aia kairiribai, ao E kainaomataia mairouia aiaia.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 45:13

I a tia ni karaoa te b'ai ae e eti ngke I katokaa Tairati i aon te m'aaka, ao N na kanakoraoi kawai ni bane ake e na m'ananga iai. Bon te UEA Ngai ae Moan te M'aaka! E na manga katea au kaawa are e buubura Tairati ao e na kainaomataia au aomata n akea te b'ai teuana ae e kabooaki. Bon aei au taeka Ngai ae te UEA.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Ieremia 13:4

“Buuta am kawaerake te kororo. Ao naako nakon Baara ao ko na karabaa am kawaerake te kororo ni b'angab'angan taiani b'a aika a buubura.”

Ieremia 15:21

ngkana a buakaniko. Bon aei au taeka Ngai ae te UEA.

Ieremia 29:20

Ngkami ni kabane aika I kanakoingkami nakon te kataenikaiaki i B'aburon, ongora nakon te b'ai ae I taekinna Ngai ae te UEA,’

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 52:27

n te aba are Amata. Ao e a anaaki i roun te uea ikekei ma n oreaki ni karokoa matena. A uotaki nako kaain Iuta mai abaia nakon te kataenikaiaki.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Otea 13:13

Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

Otea 2:14

Iteraera, bon te UEA Ngai, N na kam'aneingkami nakon te rereua ma n taetae ni kamaraurau nakoim.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.