Mika 3:4 - Te B'aib'ara

⁴ E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Mika 3:4 ပူးပေါင်းရင်းမြစ်များ

Iobi 27:9

E bon kona n ongo tangiia te Atua ngkana a reke n te kangaanga?

Iobi 35:13

Bon akea uaan tangiia, E bon aki nooriia, ke n ongo b'anaaia te Atua ae m'aaka.

Taian Areru 18:41

A tangira buokaia, ma akea ae buokiia; A wetea te UEA, ma E aki ongo irouia.

Taeka n Rabakau 1:28

Kam na buubuti buokami mairou, ma N na bon aki kan ongo; kam na ukeuke, ma n na bon aki reke iroumi.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 33:5

Iai tabeman aika a na buakana B'aburon, are e na kaon auti nako n taian mate ake aomata ake N nang oroia n uniu ma bononnanou. I tannako man te kaawa ae e buubura aei i bukin m'akuri aika a buakaka aika a tia ni karaoaki irouia kaaina.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Mika 3:7

A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Mataio 7:22

Ane a na kangai nako Iu aomata aika bati n te bong are E na motiki taekaia iai aomata te Atua, Te Uea, te Uea, tiaki ti taetae ni burabeti n aram? Ao tiaki ti kanakoia taimonio n aram? Ao tiaki ti karaoi m'akuri aika kamimii n aram?

Ruka 13:25

N te tai naba are e tei rake iai teuare ana auti te auti ni kaina te mataroa, ao ane kam na tei i tinaniku ao kam na karebwerebwea te mataroa, ao kam na kangai, “Te Uea, kaukia nako ira!” Ao ngaia e na kaekaingkami ni kangai, “I aki ata reitakiu ma ngkami!”

Ioane 9:31

Ti ataia b'a E aki ongo te Atua irouia aomata aika taani bure; ma ngkana e taromauria te Atua te aomata, ma n ongeaba nakoina, ao E ongo te Atua i rouna.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

1.Tamuera 8:18

ao ane kam na tang nakon te UEA b'a E na kamaiungkami mairoun te uea are kam tangiria. Ma E na aki kaekai ami tataro te UEA.