Mika 2:12 - Te B'aib'ara

¹² Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Mika 2:12 ပူးပေါင်းရင်းမြစ်များ

Karikani B'aai 36:33

Iobaba are natin Teera man te kaawa are Botira

1.Rongorongo 1:44

I mwiin maten Bera, ao e a manga uea Iobaba are natin Tera te m'aane are kaain Botira.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 27:12

E a roko te tai are e na ioioa iai te aba te UEA are i marenan te Karaanga are Iuberetiti ao tian te aba are Aikubita, ao e na ikotiia ana Aomata temanna i mwiin temanna.

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Itaia 5:17

A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Etekiera 34:11

I tuangkami Ngai ae te UEA b'a N nang bon kaawakiniia Au tiibu ma n tararuaia

Etekiera 34:13

ma ni kaokiia man aia botannaomata ianena ake a maeka iai. N na riki b'a aia tia kawakin tiibu ao N na kaam'arakeia i aon aia maunga nako Iteraera ao i nanon taiani m'arua ao taawana aika a maiu reirei.

Etekiera 34:22

ma N na kamaiuia ao e na aki manga karaoaki ae e aki raoiroi nakoia. N na kaokoroia aika a raoiroi ma aika a buakaka.

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Amota 1:12

N na kab'aka te ai ni kamaunai nonon Teman, ao Botira.

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Mika 4:8

Ao ngkoe, Ierutarem ae ana taua n taratara te Atua n taraia ana aomata n ai aron te Tia Kawakin Tiibu, ko na manga okira tib'angam are bon atuun te aba n uea ae b'anin, ake ko abani ngkoa.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.