Mika 2:10 - Te B'aib'ara

¹⁰ Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Mika 2:10 ပူးပေါင်းရင်းမြစ်များ

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Rongorongo 7:20

ao n na kanakoi ngkami man te aba ae I anganingkami aei. N na kiitana te Tembora are I a tia n taekinna b'a n taromauriaki iai, b'a a aonga n taku aomata n taabo nako b'a bon ti te manikangare ao a na b'ainingareia.

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Taian Areru 95:11

Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”

Ieremia 10:18

E taku te UEA b'a e na uotingkami taiani kangaanga aikai nakon te kataenikaiaki, ao ane kam na karenakoaki man abami kaanga te atiibu are kanoan te bana.”

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 9:19

Ao ngkai ngaira aika ti tang i Tion, ‘Ti a urubekebeke! Ti aki konaa n taona mamaara. A a tia n uruaki ara auti, ao ti a riai ni kiitana abara.’

Etekiera 36:17

Etekiera ae natin te aomata, ngke a maeka ngkoa Iteraera n oin abaia, a kabaarekaa te aba n aroia ake a karaoi, n aron kam'araan te aine ae e aoraki n aine.

Etekiera 36:19

ao I kauamaae nakoia nako ia botannaomata ake tabeua, n aron ae a bon uaa korona.

Te Tua-Kaua 12:9

ao taiani b'aintangira nako ake kam berita, ke kam anga nanomi b'a kam na anganna. Ao kam na anga naba kaka teuana te katebwina man ami uita, wain, ao man ami b'a n oriwa,

Te Tua-Kaua 30:18

Ngkana kam ongotaeka nakoina, ao kam na maiu ma ni riki n tetekeraoi ao ni korakora. Ma, ngkana kam n rinea te aki ongotaeka ao te raarawa nakon te UEA, ma ni bobaraaki n taromauriia atua tabeman, ao I kauringkami, b'a a na aki ananau maiumi.