Mataio 9:38 - Te B'aib'ara

³⁸ Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

Mataio 9:38 ပူးပေါင်းရင်းမြစ်များ

Taian Areru 68:11

E kanakoa ana taeka te Uea, ao a bati aine ake a kabutaa nako te taeka anne:

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Ieremia 3:15

Ao i mwiina, N na rineia taan tautaeka aika a wanawana aika a na ongotaeka irou, ao a na kakaawakiningkami kaanga taan kaawakintiibu.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Mataio 9:37

Ao E taku nakoia ana reirei, “A m'aiti uaa aika a boo taia n rikoaki, ma a karako taani m'akuri.

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

Ioane 4:35

Tiaki kam taku, ‘Aua riki te nam'akaina, ao a roko tain uaa n tai ao ni bobotaki.’ Noria, I tuangngkami, Tabeki matami, ao tarai taabo aika unikaki, b'a a tai uaa ao a tau nakon te bobotaki!

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 8:4

A nako n taabo nako taan onimaki ake a kauamaaeaki nako n tataekina ana taeka te Atua.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

2.I-Tetaronike 3:1

Te kabanea ngkanne: taari, kam na tataro i bukira b'a e na waekoa ni buta nako ana taeka te Uea, ao e na butim'aeaki ni karineaki, n ai aroarona naba i roumi.